Nkahm 22:8 - Uwumbɔr aagbaŋ

⁸ Balaam nan bui bi ke, “Doon man, aan ni yaa fe woln fen kan, m tuk nimi Uwumbɔr aah ga bui mi pu na.” Le Moab yaab aayidam ngbaan doon Balaam do.

Nkahm 22:8 ပူးပေါင်းရင်းမြစ်များ

1 Bibɔrb 13:8

Uwumbɔr aabɔnabr ngbaan nan gar u ke, “Hali aa yaa di saawangol ligeln libaa le ŋa mi tiŋann kan, maan dii si, kaan ji, kaan nyu nibaa aaŋaal ni.

1 Bibɔrb 22:14

Le Mikaya gar u ke, “Uwumbɔr u bi na pu, m puu ke m ga ti len waah tuk mi pu na la.”

Jeremia 12:2

Sin le naan bi, le bi fii ki kpa inyaan; bi muuni le ki pɔr. N‑yoonn mɔmɔk kan, bi len aa pu tibɔnyaan la, le kaa tee dak aa pu kpala.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Nkahm 22:18

Le Balaam giin bui bi ke, “Ni yaa ye ke Balak ga di tikunabr ni salmaa u kookoo bi waadichal ni na le tii mi, bee ni yaa ti ki ye tibɔr waatiir, bee tisakpeln pu kan, maan ŋmaa yii Ndindaan Uwumbɔr aamɔb.

Nkahm 22:38

Le Balaam giin bui u ke, “Maa dan aa? Tɔ, aa dak ke m kpa mpɔɔn m ŋa nibaa tii si ii? Uwumbɔr aah ban ke m len pu na, kina le m ga len.”

Nkahm 22:7

Nima na, Moab yaab, ni Midiann yaab aayidam nan ban ŋimombil ŋi bi ga ti di pa tipuur ngbaan pu na, le ki buen Balaam chee ki ti bui u Balak aabɔr ngbaan.

Nkahm 22:9

Uwumbɔr nan dan Balaam chee ki nan baa u ke, “Bijab bee nyan ni la chee ki koo aado?”

Nkahm 23:12

Le u giin bui ke, “Uwumbɔr aah bui ke m len pu na, kina baanja le m ga ŋmaa len.”

Nkahm 23:3

Balaam nan bui Balak ke, “Li si gbɔk kitork aabimbin ngbaan, aan m buen do, ki ti lik ke Uwumbɔr ga kpiir ba aabɔr tuk mi. M ga tuk si waah kpiir tibɔr ti mɔk mi na.” Kina pu na, u nan buen ligongoln paab ubaa la.

Nkahm 24:13

ke aa yaa ga di tikunabr ni salmaa u mɔmɔk gbii saabɔrdichal ni na tii mi kan, maan ŋmaa yii Uwumbɔr ki ŋa maageehn. M ga len Uwumbɔr aah bui mi ke m len pu na baanja la.”