Nkahm 22:6 - Uwumbɔr aagbaŋ

⁶ Bi wiir jer timi, kina pu na, m ban ke aa dan nan puun lii bi pu ki tii mi. Aa yaa ŋa kina kan, nibaakan ti ga ŋmaa nyaŋ bi aan ki jenn nyan bi kitiŋ kee ni. M nyi ke aa yaa len tibɔnyaan lii unii pu kan, u kani tinyoor la, le aa yaa len tibɔbir lii unii pu kan, u kani tibɔr ti kaa ŋan na.”

Nkahm 22:6 ပူးပေါင်းရင်းမြစ်များ

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

1 Bibɔrb 22:13

N‑yoonn mue na, uninkpel u nan buen u ti yin ni Mikaya na nan ti bui u ke, “Bibɔnabr biken na mɔmɔk nabr ke ubɔr ga ti kan linyaŋ, ni ŋan ke aa mu ti nabr tibɔbaan ngbaan.”

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

Nehemia 13:2

Naah nan ye pu na le ye ke Amonn ni Moab yaab nan yii kaa tii Israel yaab tijikaar ni nnyun n‑yoonn mu bi nan nyan ni Ijipt ni ki choo kuni na. Bi nan tee labr pan ŋimombil tii ubɔɔ Balaam ke u puun lii Israel yaab pu, le timi Aawumbɔr cha tipuur ngbaan kpaln tinyoor ki tii Israel yaab.

Ilahn 109:28

Bi ga li puuni timɔpur lir m pu, le aa ma ga li ŋani saanyoor ŋani m pu. Cha binib bi muk mi na lir, ki cha min, saatutunn, kan mpopiin.

Ŋiyataŋak 26:2

Aa yaa kaa tun taani kan, imɔpuur aan ŋmaa chuu si. Ti naahn inyoon i laani kaan kal busub paab na la.

Esekiel 13:6

Baabɔkpiirkaan ye inyamɔn la, le baah len ke tiwan ni ga ŋa na aa gbii. Bi bui ke maabɔr le bi joo len, m mu aa tun ni bi. Bi mu dak ke baamɔbon ga gbiin la.

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nkahm 22:12

Uwumbɔr nan bui Balaam ke, “Taa dii bijab ngbaan buen, ki mu taa puun lii Israel yaab pu, ba pu? maanyoor le bi bi pu.”

Nkahm 22:17

Aa yaa ban m pa ki ŋa saah ban pu na mɔmɔk kan, m ga ŋa kina. Uninkpel, dan nan puun lii binib ngbaan pu ki tii mi.”

Nkahm 23:13

Le Balak ki bui ke, “Li dii ni mi, aan ti ki buen niken chee, aa ti kan Israel yaab ngbaan ngem. Sil nima chee, aan ki puun lii bi pu ki tii mi.”

Nkahm 23:27

Balak nan ki bui ke, “Li dii ni mi aan ti ki buen niken chee. Nibaakan Uwumbɔr ga cha aa sil nima chee ki puun lii bi pu ki tii mi.”

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”

Lituln 16:16

Ti nan ki buen baah mee Uwumbɔr nin chee na. Taah cha na, le usapɔɔn ubaa ton timi nsan ni. U nan ye unaagbiibo la. Bininkpiib nan dii u, ki cha u tuk binib tiwan ni choo ki ga nan ŋa na aabɔr. Waah ŋani kina na, le u kan ŋimombil pam ki tii udindatiib.

Ikaal 23:4

Naah nan nyan ni Ijipt aatiŋ ni ki choo na, Amonn yaab nan yii, kaa tii nimi tijikaar ni nnyun; Moab yaab nan yoor Beor aajapɔɔn u bi nan yin u ke Balaam aan u nyan ni Petor aatiŋ ki bi Mesopotamia aapepel ni na, ke u nan puun lii ni pu.

Josua 24:9

Moab yaab aabɔr u bi nan yin u ke Balak, aan ute nan ye Sipor na, nan ton nimi butɔb. U nan tun unii, Beor aajapɔɔn u bi nan yin u ke Balaam na chee, ki bui u ke u puun lii ni pu,

1 Samuel 17:43

Le u bui David ke, “Aa joo lidabil ngbaan aa di ŋa ba? Aa dak ke m ye ubɔ la aa?” Le u puun waawaal lii David pu,