Nkahm 22:38 - Uwumbɔr aagbaŋ

³⁸ Le Balaam giin bui u ke, “Maa dan aa? Tɔ, aa dak ke m kpa mpɔɔn m ŋa nibaa tii si ii? Uwumbɔr aah ban ke m len pu na, kina le m ga len.”

Nkahm 22:38 ပူးပေါင်းရင်းမြစ်များ

1 Bibɔrb 22:14

Le Mikaya gar u ke, “Uwumbɔr u bi na pu, m puu ke m ga ti len waah tuk mi pu na la.”

1 Bibɔrb 22:16

Tɔ, Ahab nan ki bui u ke, “Aa yaa len m chee tibɔr Uwumbɔr aayimbil pu kan, len ibamɔn. Aa ban ke m tuk si kina nfum muŋa?”

2 Bibɔrb Aabɔr 18:13

Le Mikaya gar u ke, “Uwumbɔr u bi na pu, m ga ti len uma Uwumbɔr aah bui mi ke m len pu na la.”

Ilahn 33:10

Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ŋiyataŋak 19:21

Binib ga ŋmaa kpokl baah gee pu na mɔmɔk; Uwumbɔr aageehn mu le ga ŋa.

Aisaya 44:25

M ŋani bibɔɔb bijɔrb, ki cha baabɔr ti bi len ke ti ga ŋa na beer fam. M yii binimbiwolm aalan, ki mɔk ke baalan ye kijɔrk la.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Aisaya 47:12

Li joo saanyɔk mɔmɔk, ki chaa bibɔɔb chee; saah fii ubo pu na le aa nan ŋani kina. Nibaakan, ni ga ŋmaa ter si siib; nibaakan, aa ga ŋmaa faan saadim.

Nkahm 22:18

Le Balaam giin bui bi ke, “Ni yaa ye ke Balak ga di tikunabr ni salmaa u kookoo bi waadichal ni na le tii mi, bee ni yaa ti ki ye tibɔr waatiir, bee tisakpeln pu kan, maan ŋmaa yii Ndindaan Uwumbɔr aamɔb.

Nkahm 22:37

Le Balak baa u ke, “Ba ŋa maah tun yin si njan na, saa dan? Aa dak ke maah ga pa si pu na aan li wiir la aa?”

Nkahm 22:39

Tɔ, Balaam nan dii Balak le bi buen Husof aatiŋ ni.

Nkahm 22:8

Balaam nan bui bi ke, “Doon man, aan ni yaa fe woln fen kan, m tuk nimi Uwumbɔr aah ga bui mi pu na.” Le Moab yaab aayidam ngbaan doon Balaam do.

Nkahm 23:16

Uwumbɔr nan dan Balaam chee, le ki nan tuk u waah ga len pu na, ki giin tun u Balak chee, ke u ti di tibɔr ngbaan tuk u.

Nkahm 23:26

Le Balaam giin bui u ke, “Maa tuk si ke m ga ŋmaa ŋa Uwumbɔr aah bui ke m ŋa pu na la aa?”

Nkahm 24:13

ke aa yaa ga di tikunabr ni salmaa u mɔmɔk gbii saabɔrdichal ni na tii mi kan, maan ŋmaa yii Uwumbɔr ki ŋa maageehn. M ga len Uwumbɔr aah bui mi ke m len pu na baanja la.”