Nkahm 22:32 - Uwumbɔr aagbaŋ

³² Le ntuun ngbaan baa u ke, “Ba ŋa aa faa saabon ngbaan nfum mutaa mɔmɔk kina? Naa lir si ke aa buen nsan ngbaan, nima pu le m dan ke m nan kiir si nsan ni.

Nkahm 22:32 ပူးပေါင်းရင်းမြစ်များ

Ilahn 145:9

U kpa unibɔn mɔmɔk pu tiŋann, ki san waah naan tiwan ni mɔmɔk na kinimbaak.

Ilahn 147:9

U tii tiwakor taajikaar, le ŋikakaa aabim yaa wii kan, u kpiini bi.

Ilahn 36:6

Saah ŋan sakpen pu na naahn ŋijoo aah paa pu na la; le saabamɔn naahn nnyusakpem aah nyoo pu na. Sin le lik unibɔn ni tiwakor mɔmɔk.

Ŋiyataŋak 14:2

Cha saabimbin li ŋan ki mɔk ke aa san Uwumbɔr ijawaan; li ye ubeebeedaan ki mɔk ke saa san u.

Ŋiyataŋak 16:2

Unibɔn ma dak ke waabimbin mɔmɔk ŋan la, Uwumbɔr baanja mu le nyi unibɔn aabimbin aah bi pu na.

Ŋiyataŋak 28:18

Li bi mbamɔm ki ŋmar. Aa yaa ye beebeedaan kan, aa ga lir mala la.

Ŋiyataŋak 28:6

Aa yaa ye ugiin ni tibulchinn daan kan, ni ŋan jer aa li kpa liwangol ki ye ubeebeedaan.

Jona 4:11

Tɔ, aa dak ke kinye aan m ga san kitisakpeŋ Ninefa aanib kinimbaak? Binib bi ki ponn ni, ki jer ŋichur nkub ni moninko, kaa ŋmaa yakr ni ŋan na ni ni kaa ŋan na, le tiwakor pam mu bi.”

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nkahm 22:20

Kinyeek ngbaan le Uwumbɔr dan Balaam chee le ki nan bui u ke, “Binib bee yaa dan ke aa dii bi kan, gor aan ki dii bi buen, m mu tee ban ke aa ti ŋa maah bui si ke aa ŋa pu na baanja la.”

Nkahm 22:22

Balaam aah dii bi buen na, naa nan mɔɔr Uwumbɔr. Balaam aah nan cha ki dik ubon pu, aan waatutum bilee dii u na, le Uwumbɔr cha waatuun ti sil nsan ni ke u kiir u.

Nkahm 22:28

Le Uwumbɔr cha ubon ngbaan len tibɔr, le ki bui Balaam ke, “M ŋa si ba? Ba ŋa aa faa mi nfum mutaa kina?”

Nkahm 22:33

Nima pu le saabon ngbaan kan mi nfum mutaa mɔmɔk ki gɔln dii timoor ni. U yaa kaa ba gɔln kan, m ba ga ku si le ki cha ubon ngbaan.”

Nkahm 22:35

Le ntuun ngbaan bui u ke, “Li dii bijab ngbaan cha. Aa mu ti len maah ban ke aa len pu na baanja.” Kina pu na, Balaam nan dii bi buen.

Lituln 13:10

le ki bui u, “Sin u ye kinimbɔŋ aajapɔɔn na, aa ye litunyaan mɔmɔk aadin la, ki ŋmanni binib n‑yoonn mɔmɔk, ki kpa mbiin sakpen, ki ban aa bii Tidindaan aasan mu tok na.

Ikaal 23:4

Naah nan nyan ni Ijipt aatiŋ ni ki choo na, Amonn yaab nan yii, kaa tii nimi tijikaar ni nnyun; Moab yaab nan yoor Beor aajapɔɔn u bi nan yin u ke Balaam aan u nyan ni Petor aatiŋ ki bi Mesopotamia aapepel ni na, ke u nan puun lii ni pu.

Ikaal 25:4

“Ni yaa joo unaaja poi idi kan, ni taa buu umɔb.