Nkahm 22:18 - Uwumbɔr aagbaŋ

¹⁸ Le Balaam giin bui bi ke, “Ni yaa ye ke Balak ga di tikunabr ni salmaa u kookoo bi waadichal ni na le tii mi, bee ni yaa ti ki ye tibɔr waatiir, bee tisakpeln pu kan, maan ŋmaa yii Ndindaan Uwumbɔr aamɔb.

Nkahm 22:18 ပူးပေါင်းရင်းမြစ်များ

1 Bibɔrb 13:8

Uwumbɔr aabɔnabr ngbaan nan gar u ke, “Hali aa yaa di saawangol ligeln libaa le ŋa mi tiŋann kan, maan dii si, kaan ji, kaan nyu nibaa aaŋaal ni.

1 Bibɔrb 22:14

Le Mikaya gar u ke, “Uwumbɔr u bi na pu, m puu ke m ga ti len waah tuk mi pu na la.”

2 Bibɔrb Aabɔr 18:13

Le Mikaya gar u ke, “Uwumbɔr u bi na pu, m ga ti len uma Uwumbɔr aah bui mi ke m len pu na la.”

Job Aagbaŋ 3:15

M ba ga li geeni ke bitinjoob bi di salmaa ni tikunabr gbiin baadichal ni na,

Daniel 5:17

Le Daniel gar u ke, “Li joo saapiin aabaa, bee aa ga ŋmaa di i tii ubaa. M ga karn ŋŋmeen ngbaan ki tii mpɔɔndaan, ki kpiir mu aatataa tuk si.

Nkahm 22:19

Tɔ, bininkpiib, doon man ke biken na aah nan doon pu na, nima kan, m ga baa Uwumbɔr ki lik ke u ga tuk mi kinye.”

Nkahm 22:38

Le Balaam giin bui u ke, “Maa dan aa? Tɔ, aa dak ke m kpa mpɔɔn m ŋa nibaa tii si ii? Uwumbɔr aah ban ke m len pu na, kina le m ga len.”

Nkahm 22:8

Balaam nan bui bi ke, “Doon man, aan ni yaa fe woln fen kan, m tuk nimi Uwumbɔr aah ga bui mi pu na.” Le Moab yaab aayidam ngbaan doon Balaam do.

Nkahm 23:26

Le Balaam giin bui u ke, “Maa tuk si ke m ga ŋmaa ŋa Uwumbɔr aah bui ke m ŋa pu na la aa?”

Nkahm 24:12

Balaam nan giin bui u ke, “M tuk saah nan tun ni binib bi na

Nkahm 24:13

ke aa yaa ga di tikunabr ni salmaa u mɔmɔk gbii saabɔrdichal ni na tii mi kan, maan ŋmaa yii Uwumbɔr ki ŋa maageehn. M ga len Uwumbɔr aah bui mi ke m len pu na baanja la.”

Lituln 8:20

Le Piita baa u, “Aa dak ke aa ga ŋmaa di ŋimombil daa Uwumbɔr aapiin aa? Saah dak pu na, naa ŋan. Aa ni saamombil bee fam.

Taitus 1:16

Bi len ke bi nyi Uwumbɔr, le baah tun pu na mɔk ke baa nyi u. Uwumbɔr aa gee baah ŋani pu na. Baa kii waamɔb, kaa ŋmaa tun litunyaan libaa.

Josua 24:10

le maa kii tii Balaam, le u tee ŋa tinyoor ŋa ni pu. M nan ŋa kina le ki gaa nimi Balak aaŋaal ni lii.