Nkahm 22:12 - Uwumbɔr aagbaŋ

¹² Uwumbɔr nan bui Balaam ke, “Taa dii bijab ngbaan buen, ki mu taa puun lii Israel yaab pu, ba pu? maanyoor le bi bi pu.”

Nkahm 22:12 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

2 Bibɔrb Aabɔr 31:10

le Utotoorninkpel Asaria, u nan ye Sadok aayaabil na bui u ke, “Binib ngbaan aah piin ki joo ni ipiin ngbaan Uwumbɔr Aadichal ni na, tijikaar pam bi le ti ji, le ti gur na wiir sakpen a. Uwumbɔr aah ŋa tinyoor ŋa waanib pu na le cha ti kpa nimina mɔmɔk.”

Ilahn 144:15

Litimbol li kpa kina na kpa mpopiin; binib bi Aadindaan ye Uwumbɔr na kpa mpopiin.

Ilahn 146:5

Uwumbɔr aah ter unii u aan udaan kpa limakl Udindaan Uwumbɔr pu na kpa mpopiin la.

Aisaya 61:9

Maanib ga li kpa liyimbisakpeln ŋitimbol mɔmɔk ni; unii umɔk kan bi na ga bee ke bi ye binib bi m ŋa tinyoor ŋa bi pu na la.”

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nkahm 22:11

ke linibol libaa aanib nyan ni Ijipt aatiŋ ni, ki yaa gaa kitiŋ, le u ban ke m nan puun lii bi pu, aan u ŋmaa nyaŋ bi, aan ki jenn nyan bi waatiŋ ni.”

Nkahm 22:13

Naah woln kichakpiik ni na, le Balaam buen Balak aanib ngbaan chee le ki ti tuk bi ke, “Gir kun man; Uwumbɔr aa kii ke m dii nimi buen.”

Nkahm 22:6

Bi wiir jer timi, kina pu na, m ban ke aa dan nan puun lii bi pu ki tii mi. Aa yaa ŋa kina kan, nibaakan ti ga ŋmaa nyaŋ bi aan ki jenn nyan bi kitiŋ kee ni. M nyi ke aa yaa len tibɔnyaan lii unii pu kan, u kani tinyoor la, le aa yaa len tibɔbir lii unii pu kan, u kani tibɔr ti kaa ŋan na.”

Nkahm 23:23

Nnyɔk mubaa aa bi, le kisook mu aa bi ki ga ŋmaa ŋa Israel yaab nibaa. Binib ga len Israel yaab aabɔr ke, ‘Lik Uwumbɔr aah ŋa pu tii bi na.’

Nkahm 23:3

Balaam nan bui Balak ke, “Li si gbɔk kitork aabimbin ngbaan, aan m buen do, ki ti lik ke Uwumbɔr ga kpiir ba aabɔr tuk mi. M ga tuk si waah kpiir tibɔr ti mɔk mi na.” Kina pu na, u nan buen ligongoln paab ubaa la.

Nkahm 23:8

M ga ŋa kinye ki puun lii binib bi Uwumbɔr aa puun lii bi pu na, bee m len tibɔbir lii binib bi Uwumbɔr aa len tibɔbir lii bi pu na.

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”

Matiu 27:19

Buyoonn u bi ji Yesu tibɔr na, Pailat aapuu nan di unii tun ni, ke u li nyi ki taa ŋa uja nyaan ngbaan nibaa; ke uja ngbaan pu, u daŋ tidaŋ ti muk u sakpen na kinyeek na.

Rom Yaab 11:29

Uwumbɔr yaa lee binib ki ŋa tinyoor ŋa bi pu kan, waan kpeln waalandak.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Ikaal 23:5

Le Nidindaan Uwumbɔr aa nan kii tii Balaam. Nidindaan Uwumbɔr aah gee nimi na, u nan cha waah len pu na kpaln tinyoor le ki tii nimi.

Ikaal 28:6

“Uwumbɔr ga ŋa tinyoor ŋa nimi aatuln mɔmɔk pu.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Ikaal 7:14

Binib bibaa aa ki bi dulnyaa wee ni, ki ga kan tinyoor ti aaboln u ga di tii nimi na. Nimi bijab, ni bipiib, ni nimi aawakor mɔmɔk ubaa aan gur kaan li kpa mbim.