Nkahm 22:1 - Uwumbɔr aagbaŋ

¹ Israel yaab nan fii baah nan ka nin chee na, le ki ti kal Moab yaab aapepel, kitiŋ taar kibaa ni, ki bi Jɔɔdann aamɔɔl liwipuul wɔb, ki tok Jeriko aatiŋ la.

Nkahm 22:1 ပူးပေါင်းရင်းမြစ်များ

Jeremia 40:11

N‑yoonn mue na, Israel yaab bi mɔmɔk bi Moab ni Amonn, ni Edom, ni ntim muken ni na, ŋun ke Babiloŋ aabɔr kii ke Israel yaab bibaa li beenin koo Juda ni, ki di Gedalia ŋa baayidaan.

Nkahm 21:20

le ki ki nyan nima chee mu, ki buen Moab yaab aafataŋ ki bi Pisga Aajool aataab na ni. Aa yaa si nima chee kan, aa ga li waa nteersakpiin wɔb.

Nkahm 26:3

Le Moses ni Eleasar kii kina, le ki kuun bijab bimɔk aabin fuu kina na. Bi nan kuun bi Moab yaab aapaan mubaa le ni, Jɔɔdann Aamɔɔl chee ki lik Jeriko aatiŋ, limɔɔdapuul wɔb. Israel yaab bee le Uwumbɔr nan nyan ni bi Ijipt aatiŋ ni:

Nkahm 31:12

Bi nan joo ni ni mɔmɔk Moses, ni Eleasar, ni Israel yaab mɔmɔk chee, Moab yaab aapaan mu bi Jɔɔdann aamɔɔl chee, ki lik Jeriko aatiŋ, limɔɔdapuul wɔb na.

Nkahm 32:19

Taah kan timi aatiŋ Jɔɔdann aamɔɔl, liwipuul do na, taan ki ban nibaa biken chee, Jɔɔdann aamɔɔdapuul.”

Nkahm 34:15

ki bi Jɔɔdann aawipuul wɔb, ki tok Jeriko aatiŋ ki bi Jɔɔdann aawilir wɔb na.”

Nkahm 35:1

Baah nan bi Moab yaab aateer mu bi Jɔɔdann Aamɔɔl chee ki lik Jeriko aatiŋ limɔɔdapuul wɔb na, le Uwumbɔr nan bui Moses ke,

Nkahm 36:13

Uwumbɔr aah nan di ikaal i mɔk Moses ke u di tii Israel yaab na le na. N‑yoonn ngbaan bi nan bi Moab yaab aateer mu bi Jɔɔdann Aamɔɔl chee, ki lik Jeriko aatiŋ, limɔɔdapuul wɔb.

Ikaal 1:5

Binib ngbaan aah nan bi Jɔɔdann aawipuul wɔb, ni bi Moab aapepel ni na, le Moses piin ki kpiir Uwumbɔr aakaal ngbaan aatataa mɔk bi.

Ikaal 3:8

“N‑yoonn ngbaan, ti nan gaa Amor yaab aabɔrb bilee ngbaan aatiŋ ki bi Jɔɔdann Aamɔɔl aawipuul wɔb, ki yoor Anonn Aamɔɔl chee ki ti ker Hemonn Aajool mɔk na.

Ikaal 34:1

Moses nan nyan Moab aateer ni, le ki buen Nebo Aajool wɔb, ki ti jon Pisga Aajool li bi Jeriko aawipuul wɔb na. Lijool ngbaan paab, le Uwumbɔr nan mɔk u kitiŋ ngbaan mɔmɔk; u nan mɔk u Gilead aapepel mɔmɔk, ki yoor kina ki ti ker Dann aatiŋ, ŋŋangan wɔb,

Ikaal 34:8

Israel yaab nan ŋa waakpuul, Moab yaab aafataŋ ngbaan ni, ki ti saa iwiin piitaa la.

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.