Nkahm 21:9 - Uwumbɔr aagbaŋ

⁹ Le Moses di tikumann mɔɔ uwaa, ki di u fin ndɔŋumkoo pu. Le umɔk uwaa nan juu u aan u waan lik na, udaan nan kan limɔfal.

Nkahm 21:9 ပူးပေါင်းရင်းမြစ်များ

2 Bibɔrb 18:4

U nan ber tiwaadir mɔmɔk, ki gbaa wiil ŋiwaabimbin, ki gaa gii liwaapii Asera aanaŋ. U nan ki gbaa wii tikumann aawaa u Moses nan naan, aan bi nan yin u ke Nehustann na. Ki nan saa n‑yoonn ngbaan na, Israel aanib nan seer nnyɔknii ki nyuŋni uwaa ngbaan la.

Aisaya 45:22

Nimi binib bi mɔmɔk bi dulnyaa wee ni na, fenn gir ni m chee dandana aan ki ŋmar man. Min baanja le ye Uwumbɔr u bi na.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Jɔnn 12:32

Bi yaa yoor mi kitiŋ paacham kan, m ga daa foor binib mɔmɔk dan mbaa chee.”

Jɔnn 6:40

U ban ke unii umɔk bee ke m ye Ujapɔɔn, ki gaa mi ki kii na, u li kpa limɔfal li kaa kpa ndoon na. Le m ga fikr u nkun ni, kookoo aataadaal. Nte Uwumbɔr aageehn le na.”

Rom Yaab 1:17

Tibɔnyaan ngbaan mɔk timi ke unii yaa gaa Yesu Kristo ki kii kan, Uwumbɔr ga len ke waabɔr ŋan. Ni ŋmee Uwumbɔr Aagbaŋ ni ke, “Uninyaan aah gaa Uwumbɔr ki kii na, u ga li kpa limɔfal.”

Rom Yaab 8:3

Nkaal aan ŋmaa ŋa kina; ba pu? binib aa kpa mpɔɔn ke bi joo nkaal ngbaan. Le Uwumbɔr ŋa waakaal aah kaa ŋmaa ŋa pu na; timi aatunwanbir pu le u nan tun ni Ujapɔɔn Yesu dulnyaa wee ni, ke u di tiwon ti naahn timi titunwanbirdam aawon na bii titunwanbir ti bi tisui ni na aapɔɔn,

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.