Nkahm 21:7 - Uwumbɔr aagbaŋ

⁷ Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Nkahm 21:7 ပူးပေါင်းရင်းမြစ်များ

Mpiin 20:17

Abimelek aah nan ban u gaa Abraham aapuu Sara pu na, le Uwumbɔr nan cha bipiib bi mɔmɔk bi Abimelek do lichiln ni na ŋa biŋoob. Nima pu na, Abraham nan mee Uwumbɔr tii Abimelek, le u cha u ni upuutiib, ni waanaagbiipiib pɔɔk, le bi ki piin ki ma mbim.

Mpiin 20:7

Tɔ, dandana wee giin upii ngbaan tii uchal. Uchal ye maabɔnabr la, le u ga mee mi tii si, nima kan, saan kpo. Tɔ, aa yaa yii, kaa di u tii uchal kan, m sur si la, aa ni saanib mɔmɔk ga kpo.”

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

2 Bibɔrb 13:4

Le Ubɔr Jehoahas mee Uwumbɔr, le Uwumbɔr aah nan waa Siria aatiŋ aabɔr aah ŋani Israel yaab mbiin sakpen pu na, le u kii waameel ngbaan.

Job Aagbaŋ 42:10

Tɔ, Job aah nan mee Uwumbɔr tii ujɔtiib bitaa ngbaan doo na, le Uwumbɔr ki tii u liwangol, ki tii u nfum mulee pu waah nan kpa pu na.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Ilahn 78:34

Buyoonn u ti ku bi ponn bibaa na, le bi gur na tee fenn gir ni u chee, ki yii titunwanbir ki di bisui mɔmɔk mee u.

Nnyam 10:17

Nimina ma kan, di cha pinn mi, ki mee Nidindaan Uwumbɔr ke u nyan nkun aawan nimina m pu.”

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:30

Naah woln kitaak na, le Moses bui binib ngbaan ke, “Ni tun titunwanbir pam. Tɔ, m ga ki gir buen lijool ngbaan paab Uwumbɔr chee; nibaakan, ni ga kan chapinn nimi aatunwanbir pu.”

Nnyam 8:28

Ubɔr nan ki bui ke, “Ni yaa kaan buen dandar kan, m ga cha ni buen ti toor kitork nteersakpiin ngbaan ni, ki tii Nidindaan Uwumbɔr. Ni ti mee u tii m mu man.”

Nnyam 8:4

Ŋi ga yuk kal aa ni saaninkpiib, ni binib mɔmɔk pu.’”

Nnyam 8:8

Ubɔr nan yin ni Moses ni Aaronn le ki nan bui bi ke, “Mee Uwumbɔr ke u nyan ŋipulaatal ngbaan, aan m cha waanib ngbaan nya buen, nima kan, bi ga ŋmaa toor kitork tii u.”

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 37:3

Ubɔr Sedekia nan di Selemia aajapɔɔn Jehukal ni utotoor Sefania, u aate nan ye Maaseya na tun ni ke bi nan bui mi ke m mee Tidindaan Uwumbɔr timi aatimbol pu.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Nkahm 11:2

Le binib ngbaan wii yin Moses ke u ter bi; u nan mee Uwumbɔr, le u cha mmii ngbaan junn.

Matiu 27:4

le ki bui bi, “M tun titunwanbir la. M kooh unii u kaa kpa taani na ke bi ti ku u.” Le bi bui u, “Naa ye timi aabɔr. Ni ye saabɔr la.”

Lituln 8:24

Le Simonn bui Piita ni Jɔnn, “Mee Uwumbɔr tii mi, aan saah len tibɔr ti na, ti taa pii mi.”

Rom Yaab 10:1

Nnaabitiib, m mee Uwumbɔr tii maanib Israel yaab ke bi ŋmar. M ban kina le nsui mɔmɔk.

Ikaal 9:20

Uwumbɔr aaŋuul nan fii Aaronn pu, le u ban u ku u, nima pu na, m nan mee Uwumbɔr tii Aaronn mu n‑yoonn ngbaan.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

1 Samuel 15:24

Le Sɔɔl kii ke, “Een, m tun titunwanbir. M yii Uwumbɔr aamɔb, ni saah mɔk pu na. M san maajab le ijawaan, ki ŋa baah ban pu na.

1 Samuel 15:30

Sɔɔl nan ki bui u ke, “M tun titunwanbir. Tɔ, tee tii mi kipak, maayidam ni Israel aanib bee mɔmɔk aanimbiin ni. Gir dii mi buen aan m ti doon Aadindaan Uwumbɔr.”