Nkahm 21:4 - Uwumbɔr aagbaŋ

⁴ Israel yaab nan nyan Hor aajool chee, le ki dii nsan mu cha baah nan puur Limɔɔkal Aanyusakpem nin chee na, nima kan, bi ga ŋmaa gɔln Edom aapepel aanaanmɔk. Baah nan cha na, le binib ngbaan aa nan ŋmaa chuu bibaa,

Nkahm 21:4 ပူးပေါင်းရင်းမြစ်များ

2 Bibɔrb 3:8

Mulasan aan ti ga dii ki ti tak bi?” Le Joram bui ke, “Ti ga dii ni daa na la, ti ga bɔ dii Edom aateersakpiin aasan la.”

Nnyam 6:9

Moses nan tuk Israel yaab Uwumbɔr aah len pu na, le baa nan ŋun tii u; ba pu? bisui nan bii pam, baah nan bi tinaagbiir ni aan Ijipt yaab ŋani bi mbiin pu na.

Nkahm 14:25

le waamaal ga li joo kitiŋ ki aafataŋ ni Amalek yaab, ni Kanaann yaab koo dandana wee na. Fen kan, ni fe fenn nipuwɔb ki kpaa nteersakpiin ni, ki toŋ Limɔɔkal Aanyusakpem wɔb.”

Nkahm 20:27

Moses nan ŋa Uwumbɔr aah bui ke u ŋa pu na mɔmɔk. Bi nan buen Hor Aajool pu, binib ngbaan mɔmɔk aanimbil ni.

Nkahm 32:7

Ba ŋa ni ban ke ni yɔl Israel yaab aataakpab ke bi taa puur Jɔɔdann Aamɔɔl ki buen kitiŋ ki Uwumbɔr nan puu ke u ga di tii bi na?

Nkahm 32:9

Bi nan buen ki ti fuu Eskol Aafataŋ ni, ki kan kitiŋ ngbaan. Baah gir ni na, le bi yɔl binib ngbaan aataakpab ke bi taa koo Uwumbɔr aah puu ke u ga di kitiŋ ki tii bi na ni.

Nkahm 33:41

Israel yaab aah nan nyan Hor Aajool chee ke bi ti fuu Moab yaab aateer ni, ki kal kal ntim mu ni na aayimbil le paa na: Salmona, ni Punonn, ni Obof, ni Abarim aalangbenn ti bi Moab aapepel ni na, ni Dibonn Gad, ni Almonn Diblataim, ni Abarim Aajool li bi gbɔk Nebo Aajool chee na, ni Moab yaab aateer mu bi Jɔɔdann Aamɔɔl chee ki lik Jeriko aatiŋ limɔɔdapuul na, ni bi Bef Jesimof ni Sitim Aafataŋ aakaasisik ni la.

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Ikaal 1:40

Nimi ma kan, fenn man, ki di niyil toŋ nteersakpiin ni, ki li dii nsan mu cha Limɔɔkal Aanyusakpem na chee.

Ikaal 2:1

“Nee aapuwɔb le ti nan ki fii nima, le ki koo nteersakpiin ni, ki dii nsan mu cha Limɔɔkal Aanyusakpem na, Uwumbɔr aah nan bui timi pu na, le ti nan chuun yiini ŋigongon aatiŋ Edom ni, ki yunn pam.

Bibɔjirb 11:18

Nee aapuwɔb le Israel yaab nan ki di koo nteersakpiin ni, ki gɔln Edom aatiŋ, ni Moab aatiŋ, ki ti fuu Moab yaab aatiŋ aawipuul wɔb, Anonn Aamɔɔdapuul. Bi nan laa kal nima, bi mu aa nan tee puur Anonn Aamɔɔl li nan ye Moab aatinaanmɔk na.