Nkahm 21:26 - Uwumbɔr aagbaŋ

²⁶ Hesbonn le nan ye Amor yaab aabɔr Sihonn aatiyil. Sihonn ni Moab yaab aabɔr le nan ton butɔb, le Sihonn jenn gaa waatim mɔmɔk, ki ti nyan Anonn Aamɔɔl mɔk.

Nkahm 21:26 ပူးပေါင်းရင်းမြစ်များ

Solomonn Aalahn 7:4

Aasil bi ke jaatɔlk u ye iluub aanyin ŋmeen na la. Aanimbil naahn Hesbonn aatiŋ ponn ni aabɔr aanyun mu dɔ kitisakpeŋ ngbaan aagoln aabisamɔb chee na la. Aamɔfal ŋan ke Lebanonn aakikiib aadifɔfɔŋ ki si Damaskus aatiŋ ni na la.

Solomonn Aalahn 7:5

Le aayil mu si chab ke Kamel Aajool na. Saah buu aayikpir ti na moor lak lak ke ŋitakpanyaan ŋi joon bɔl bɔl na; taanyaan ga ŋmaa baa ubɔr siin libubaan ni.

Jeremia 48:2

Moab aanyaan doo a. Bidim nyaŋ Hesbonn yaab a, le ki kpokl ke bi ti tak Moab aatimbol. Madmenn aatiŋ ponn ni ga ŋmin chii; bijab ga tak ki.

Jeremia 48:20

Bi ga gar ke, ‘Moab aatiŋ lir a, ki jin inimɔɔn a; li wii ki pu man. Moon Anonn Aamɔɔgban ke Moab aatiŋ ber a.’

Jeremia 48:45

Bikusam bi kaa kpa nterm na pɔɔni bibaa ke bi ti kan nterm Hesbonn aatiŋ ki Ubɔr Sihonn nan joo ki na ni, tɔ, ki mu gaa mmii a. Mmii wun Moab aanib bi gee butɔb sakpen na aanaanmɔk ni kaajoo paab.

Nkahm 21:25

Israel yaab nan jenn gaa Amor yaab aatim mɔmɔk, ki kpee Hesbonn, ni kaatingbaan mɔmɔk, le ki kal mu ni.

Nkahm 21:27

Nima pu le binib bi naani ilahn na gaa ke: “Dan Hesbonn, ubɔr Sihonn aatiŋ ni. Ti ban ke bi ki gir maa ki siin.

Ikaal 1:4

Uwumbɔr aah nan nyaŋ Amor yaab aabɔr u bi yin u ke Sihonn, u nan bi Hesbonn aatiŋ ki joo waanib na, ni Basann aapepel aabɔr u bi nan yin u ke Og, u nan bi Astarof ni Edrei aatim ki joo waanib na, aapuwɔb le Moses nan di ikaal ngbaan tuk bi.

Josua 13:16

Baatiŋ nan yoor ki ti ker Aroer mɔk, ki nan bi Anonn Aafataŋ aamɔgben la, ni kitiŋ ki bi kifataŋ ngbaan aakaasisik ni na, le ki kpee ntim mu mann gonn Medeba aatiŋ na,

Josua 13:17

ki ki kpee Hesbonn aatiŋ, ni ntim mu bi lijool li aapaacham bi taar na pu na, bi yin mu ke Dibonn, ni Bamof Baal, ni Bef Balmeonn,

Josua 13:25

Baatiŋ mɔk le nan ye Jaser, ni ntim mu bi Gilead ni na, ni Amonn yaab aatiŋ ligeln ki yoor ti ker Aroer mɔk, ki nan bi Raba aatiŋ aawipuul wɔb la.

Josua 21:39

ni Hesbonn, ni Jaser aatim, ni mu aamopɔr.

Bibɔjirb 11:26

Ŋibin ikui itaa le na, le Israel yaab joo Hesbonn ni Aroer aatim, ni ntim mu mann goln mu na, ni ntim mu mɔmɔk bi Anonn Aamɔɔl aagbaan na. Ba ŋa saa ŋmaa gaa mu n‑yoonn ngbaan mɔmɔk ni?