Nkahm 21:25 - Uwumbɔr aagbaŋ

²⁵ Israel yaab nan jenn gaa Amor yaab aatim mɔmɔk, ki kpee Hesbonn, ni kaatingbaan mɔmɔk, le ki kal mu ni.

Nkahm 21:25 ပူးပေါင်းရင်းမြစ်များ

Solomonn Aalahn 7:4

Aasil bi ke jaatɔlk u ye iluub aanyin ŋmeen na la. Aanimbil naahn Hesbonn aatiŋ ponn ni aabɔr aanyun mu dɔ kitisakpeŋ ngbaan aagoln aabisamɔb chee na la. Aamɔfal ŋan ke Lebanonn aakikiib aadifɔfɔŋ ki si Damaskus aatiŋ ni na la.

Aisaya 15:4

Hesbonn ni Eleale aanib wii la, le Jahas aatiŋ aanib ti ŋun baawiil pu. Hali butɔb aajab aawon gbaa la, le bitaakpab yɔl.

Jeremia 48:2

Moab aanyaan doo a. Bidim nyaŋ Hesbonn yaab a, le ki kpokl ke bi ti tak Moab aatimbol. Madmenn aatiŋ ponn ni ga ŋmin chii; bijab ga tak ki.

Jeremia 48:34

“Hesbonn ni Eleale aanib wii la, le baawiil di ti fuu Jahas aatiŋ ni; Soar aanib ŋun i pu la; le Horonaim, ni Eglaf Selisiya aanib mu ti ŋun i pu. Hali Nimrim aabukpiik na aanyun foor a.

Jeremia 48:45

Bikusam bi kaa kpa nterm na pɔɔni bibaa ke bi ti kan nterm Hesbonn aatiŋ ki Ubɔr Sihonn nan joo ki na ni, tɔ, ki mu gaa mmii a. Mmii wun Moab aanib bi gee butɔb sakpen na aanaanmɔk ni kaajoo paab.

Esekiel 16:46

“Aakpel upol le ye Samaria aatiŋ ki ni kaatimbim bi ŋŋangan wɔb na. Aanaal le ye Sodom aatiŋ ki ni kaatimbim bi ŋŋangii wɔb na.

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Esekiel 16:53

Uwumbɔr nan ki bui Jerusalem aatiŋ ke, “M ga ki tii Sodom ni kaatimbim, ni Samaria ni kaatimbim liwangol. Mbamɔn, m ga tii aa mu liwangol.

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Nkahm 21:26

Hesbonn le nan ye Amor yaab aabɔr Sihonn aatiyil. Sihonn ni Moab yaab aabɔr le nan ton butɔb, le Sihonn jenn gaa waatim mɔmɔk, ki ti nyan Anonn Aamɔɔl mɔk.

Nkahm 21:31

Nima pu na, Israel yaab nan gaa Amor yaab aatim ngbaan mɔmɔk, le ki kal nima.

Nkahm 32:3

“Uwumbɔr aah ter timi Israel yaab aan ti gaa lipepel limina, Atarof, ni Dibonn, ni Jaser, ni Nimra, ni Hesbonn, ni Eleale, ni Sibma, ni Nebo, ni Beonn aatim mu na ŋan tiwakor pam, le ti mu kpa tiwakor ti wiir sakpen na.

Ikaal 2:12

Hor yaab le nan koo Edom aapepel ni, le Esɔ aayaabitiib jenn nyan bi, ki kuln baatimbol, ki kal nima chee bibaa, ke Israel yaab aah jenn nyan baadim kitiŋ ki Uwumbɔr di tii bi na ni pu na.

Josua 24:8

Le m nan joo ni nimi Amor yaab aatiŋ ni, Jɔɔdann Aamɔɔl aawipuul wɔb. Bi nan ton nimi butɔb, le m cha ni nyaŋ bi. Ni nan gaa baatim, le naah tur koo bi ni na, m ku bi.

Bibɔjirb 11:26

Ŋibin ikui itaa le na, le Israel yaab joo Hesbonn ni Aroer aatim, ni ntim mu mann goln mu na, ni ntim mu mɔmɔk bi Anonn Aamɔɔl aagbaan na. Ba ŋa saa ŋmaa gaa mu n‑yoonn ngbaan mɔmɔk ni?