Nkahm 21:24 - Uwumbɔr aagbaŋ

²⁴ Israel yaab nan ku baadim ngbaan pam butɔb ngbaan ni, le ki gaa baatim mu bi Anonn Aamɔɔl ŋŋangan wɔb na ki ti ker Jabok Aamɔɔl, ki ti fuu Amonn yaab aanaanmɔk. Amonn yaab aajab nan kii baatim aanaanmɔk ni pɔɔ pam.

Nkahm 21:24 ပူးပေါင်းရင်းမြစ်များ

Mpiin 32:22

Kinyeek ngbaan le Jakob nan fii, ki yoor upuutiib bilee, ni baanaagbiipiib bilee, ni waabim kipiik ni ubaa na, le ki di puur Jabok aamɔɔl.

Nehemia 9:22

Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.

Ilahn 136:19

U ku Amor yaab aabɔr Sihonn; waageehm aa kpa ndoon.

Amos 2:9

“Maanib, nimi pu le m nan ku doo Amonn yaab, bima le ye bijab bi nan fɔk ke santina aasui ki pɔɔ ke ŋikpan aasui na.

Nkahm 21:13

Bi nan ki fii nima chee mu, ki ti kal Anonn Aamɔɔl chee, ŋŋangan wɔb, nteersakpiin ni; mu di kina ti kar Amor yaab aatiŋ aapepel wɔb. Anonn Aamɔɔl le nan yakr Moab yaab ni Amor yaab aatim.

Ikaal 1:4

Uwumbɔr aah nan nyaŋ Amor yaab aabɔr u bi yin u ke Sihonn, u nan bi Hesbonn aatiŋ ki joo waanib na, ni Basann aapepel aabɔr u bi nan yin u ke Og, u nan bi Astarof ni Edrei aatim ki joo waanib na, aapuwɔb le Moses nan di ikaal ngbaan tuk bi.

Ikaal 29:7

Le taah fuu ni do chee na, Ubɔr Sihonn u nan koo Hesbonn aatiŋ ni na, ni Basann yaab aabɔr u bi nan yin u ke Og na, nyan ni ki nan tak timi.

Ikaal 3:16

ki yoor Gilead mɔk ki ti ker Anonn Aamɔɔl na, m nan di nima tii Rubenn ni Gad aanibol la. Limɔɔl ngbaan aakaasisik ni le nan ye baatiŋ ngbaan aaŋangii wɔb aanaanmɔk, le ŋŋangan wɔb aanaanmɔk nan ye Jabok Aamɔɔl mɔk, lipepel ngbaan libaa mu nan ye Amonn yaab aanaanmɔk.

Ikaal 31:4

Uwumbɔr ga kuln binib ngbaan ke waah nan nyaŋ Amor yaab aabɔrb Sihonn ni Og, ki kuln baatiŋ pu na.

Josua 13:12

ki nan ki kpee Og u nan gbeln kookoo ŋiwɔk Refa yaab ni na aanaan, uma le nan joo Astarof ni Edrei aatim. Moses le nan nyaŋ ntim ngbaan le ki jenn nyan binib ngbaan mɔmɔk.

Josua 24:8

Le m nan joo ni nimi Amor yaab aatiŋ ni, Jɔɔdann Aamɔɔl aawipuul wɔb. Bi nan ton nimi butɔb, le m cha ni nyaŋ bi. Ni nan gaa baatim, le naah tur koo bi ni na, m ku bi.

Josua 9:10

ni waah ŋa Amor yaab aabɔrb bilee bi nan bi Jɔɔdann aawipuul wɔb na pu na: Ubɔr Sihonn u nan ka Hesbonn aatiŋ ni na, ni Ubɔr Og u nan ye Basann yaab aabɔr ki ka Astarof aatiŋ ni na.

Bibɔjirb 10:11

Uwumbɔr aah nan tii bi ngarm mu na sɔ: “Ijipt yaab, ni Amor yaab, ni Amonn yaab, ni Filistia yaab,

Bibɔjirb 11:13

Amonn yaab aabɔr aah nan gar Jefta aatuun ngbaan pu na sɔ: “Israel yaab aah nan nyan ni Ijipt aatiŋ ni pu na, bi nan gaa maatiŋ ki nyan Anonn Aamɔɔl mɔk ki ti saa Jabok, ni Jɔɔdann Aamɔɔl mɔk la. Tɔ, ni giin kitiŋ ngbaan suuna tii timi.”

Bibɔjirb 21:8

Baah baa ke Israel aanibol ponn ni aanib bilabi aa buen Mispa aatiŋ ni aakuun ngbaan ni na,