Nkahm 21:2 - Uwumbɔr aagbaŋ

² Le Israel yaab puu tipuur tii Uwumbɔr ke, “Aa yaa cha ti ŋmaa nyaŋ binib bee kan, ti ga kuln bi, ni baatim mɔmɔk.”

Nkahm 21:2 ပူးပေါင်းရင်းမြစ်များ

Mpiin 28:20

Le u nan puu tipuur nima chee ki tii Uwumbɔr ke, “Sin Uwumbɔr yaa ga li bi m chee, ki joo mi maasachuln ni, ki ga tii mi tijikaar ni tiwanpeenkaan,

Ilahn 116:18

Saadichal li bi Jerusalem ponn ni na, saanib mɔmɔk aanimbil ni le m ga tii si maah puu ke m ga tii si tiwan ni na. Pak Uwumbɔr man.

Ilahn 132:2

Uwumbɔr, teer tipuur ti u nan puu na tii si u ye Mpɔɔnsakpiindaan u Jakob mu nan dii na.

1 Korenti 16:22

Unii yaa kaa gee Tidindaan kan, Uwumbɔr aabɔbir li bi u pu. Tidindaan, dan.

Ikaal 13:15

ni kpaan ki ku binib bimɔk bi kitiŋ ngbaan ni na, ni baawakor mu. Ni kuln kitiŋ ngbaan mɔmɔk.

Ikaal 13:16

Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Ikaal 20:16

“Nidindaan Uwumbɔr aah joo kitiŋ ki u di tii nimi na, ni yaa nyaŋ ki gaa baatim kan, ni ku unii mɔmɔk.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Josua 6:17

Ni bii kitiŋ ngbaan, ni tiwan ni mɔmɔk bi ki ponn ni na, aan ni mɔmɔk li ye ipiin ki tii Uwumbɔr. See Rahab u ye pateer na, ni waadichal ponn ni aanib baanja le ni taa ku bi, ba pu? uma le nan di timi aapepekr na di bɔr.

Josua 6:26

N‑yoonn ngbaan le Josua nan puu tipuur ki sak ke, “Unii u ban ke u ki gir maa Jeriko aatiŋ na, Uwumbɔr ga daa utafal. Umɔk ban u ki gir bil kitiŋ ngbaan aadinyikl na ga kɔŋ waajan aabo. Umɔk ban ke u ki gir kpaa kitiŋ ngbaan aabisamɔi na ga kɔŋ waabigbiln.”

Bibɔjirb 11:30

Jefta nan puu tii Uwumbɔr ke, “Aa yaa cha m nyaŋ Amonn yaab ki gir choo kan,

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”