Nkahm 20:17 - Uwumbɔr aagbaŋ

¹⁷ Uninkpel, tiin timi nsan aan ti bɔ dii saatiŋ ni ki jer. Ti ni timi aawakor ga li dii nsan la, taan dii tikpaasar, ni ŋisubil aasui aasar ponn ni, ki mu aan nyu nimi aanyunbun ni aanyun. Ti ga li dii nsanjakpaan la, le ki ti jer saatiŋ ni.”

Nkahm 20:17 ပူးပေါင်းရင်းမြစ်များ

2 Bibɔrb Aabɔr 20:10

“Tɔ, Amonn, ni Moab, ni Edom yaab nan tak timi a. Tiyaajatiib aah nan nyan ni Ijipt aatiŋ ni na, saa nan cha bi koo ntim ngbaan ni, kina pu na, tiyaajatiib nan gɔnn bi, le kaa kuln bi.

Nkahm 21:1

N‑yoonn mu Arad aatiŋ aabɔr u nan bi Kanaann aatiŋ aaŋangii wɔb na, nan ŋun Israel yaab pu ke bi dii Atarim aapepel choo bi nan jer, le u tak bi, ki chur bi ponn ni ngem.

Ikaal 2:27

‘Cha ti dii saatiŋ ni ki jer. Ti gaa li dii nsanja le chob, taan paar ki dii nibaa.

Ikaal 2:28

Ti ga pa tijikaar ti ga ji na pu, ni nnyun mu ti ga nyu na pu. Ti ban le ke ti dii saatiŋ ni jer,

Ikaal 2:29

aan ki ti puur Jɔɔdann Aamɔɔl, ki koo Tidindaan Uwumbɔr aah ban u di kitiŋ ki tii timi na ni. Esɔ aayaabitiib bi koo Edom aatiŋ ni na, ni Moab yaab bi koo Ar aatiŋ ni na, kii tii timi, le ti dii baapepel ni ki jer.’