Nkahm 20:12 - Uwumbɔr aagbaŋ

¹² Uwumbɔr nan ki bui Moses ni Aaronn ke, “Naah kaa gaa mi ki kii mbamɔm, ki yii, kaa ban ni mɔk binib ngbaan maapɔɔn mu bi chain na pu na, maan cha ni di bi koo kitiŋ ki ponn ni m puu ke m ga di tii bi na ni.”

Nkahm 20:12 ပူးပေါင်းရင်းမြစ်များ

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Ilahn 106:32

Meriba aanyunbun chee le binib ngbaan nan ki cha Uwumbɔr aaŋuul fii. Bi pu, Moses nan koo tibɔr ni.

Ilahn 99:8

Tidindaan Uwumbɔr, aa kii saanib aayim; aa mɔk bi ke aa ye Uwumbɔr u joo cha pinni taani na la, tɔ, aa nan tee daa bitafal, baatunwanbir pu.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Aisaya 8:13

Teer ke min Uwumbɔr Mpɔɔnsakpiindaan ngbaan bi chain; min baanja le aa ga li san ijawaan.

Esekiel 20:41

M yaa nyan ni nimi maah cha ni yaa ki bi ntim mu ni na ki kuun nimi nan kpaan kan, n‑yoonn ngbaan le m ga gaa nimi aatork ki ni di see mmii ni tii mi na, le ŋitimbol ŋiken ga bee ke m ye chain la.

Esekiel 36:23

M yaa mɔk ŋitimbol maayimbil li ni jinn li inimɔɔn ŋi ponn ni na aah ye chain pu na kan, bi ga bee ke min le ye Uwumbɔr. Min Bidindaan Uwumbɔr le len kina.

Esekiel 38:10

Tidindaan Uwumbɔr aah tuk ubɔr Gog pu na sɔ: “N‑yoonn ngbaan yaa nan fuu ni kan, aa ga piin ki bi dakl nlandak mu kaa ŋan na.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Nkahm 11:15

Ni yaa ye ke aa ga ŋa mi kina kan, tee san mi kinimbaak ki nyan maamɔfal, nima kan, m ga nya falaa sakpiin wee ni.”

Nkahm 20:24

“Aaronn aan koo kitiŋ ki m puu ke m ga di tii Israel yaab na ni, u ban u kpo la, ba pu? nimi bilee bee nan yii maamɔb Meriba aatiŋ ni.

Nkahm 27:14

ba pu? nimi bilee ngbaan nan yii maamɔb, Sinn aateersakpiin ni. N‑yoonn mu Israel yaab mɔmɔk nan len mi tibɔbir Meriba aanyunbun chee na, ni nan yii, kaa cha binib ngbaan bee maapɔɔn mu bi chain na aah bi pu na.” Meriba nan ye nnyunbun mu nan bi Kades aatiŋ ni, ki bi Sinn aateersakpiin ni na la.

Matiu 17:17

Le Yesu bui ke, “Nimi dandana aanib, naa gaa Uwumbɔr ki kii, ki mu aa dii u mbamɔm. Ni ban ke m yunn ni chee kinye pu, aan ki li kpa limɔr ni pu, aan ni gaa mi ki kii? Li joo ni ubo ngbaan m chee.”

Matiu 17:20

Le u bui bi, “Naa gaa Uwumbɔr ki kii mbamɔm. Nima le naa ŋmaa nyan li. M tuk nimi mbamɔn la, ni yaa gaa Uwumbɔr ki kii siib kina kan, ni ga bui lijool limina ke, ‘Fii nima chee,’ le li ga fii. Nibaa aan li pɔɔ ni chee. [

Tibɔnyaan ti Luk ŋmee ti na 1:20

Ni yaa nan ŋeer kan, maah len pu na ga gbiin. Saah kaa pak maah len pu na, le aa ga ŋa ubir, kaan ki ŋmaa len tibɔr ki ti saa buyoonn tiwan nimina ga ŋa na.”

Tibɔnyaan ti Luk ŋmee ti na 1:45

Si u gaa Uwumbɔr ki kii na, u ŋa tinyoor ŋa aa pu la, ki ga ŋa waah nan tuk si ke u ga ŋa pu na.”

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Rom Yaab 4:20

Uwumbɔr aah puu tipuur ti tii u na, tima le gur ye waalandak. Le u pak tipuur ngbaan mbamɔm, kaa joo beeni ke ti ga gbiin bee taan gbiin? U nan moo gaa Uwumbɔr ki kii le ki nyuŋ u,

Ikaal 1:37

Hali, nimi aabimbin pu, Uwumbɔr gee m pu liŋuul, ki bui mi ke, ‘Sin Moses aan koo kitiŋ ngbaan ni.

Ikaal 34:4

Le Uwumbɔr bui Moses ke, “Kitiŋ kee le m nan puu tii Abraham, ni Aisak, ni Jakob, ke m ga di ki tii biyaabitiib na. M cha aanimbil le kan ki, maan cha aa koo ki ni.”

Ikaal 4:21

Nimi pu le Nidindaan Uwumbɔr aaŋuul nan fii m pu, le u puu ke waan cha m puur Jɔɔdann Aamɔɔl ki koo kitinyanyaan ki u ban u di tii nimi na ni.

Josua 1:2

“Maatutunn Moses kpo a. Gor dandana wee, aa ni Israel yaab ngbaan mɔmɔk, aan ni puur Jɔɔdann aamɔɔl, ki koo kitiŋ ki m ban m di ki tii nimi na ni.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.