Nkahm 20:11 - Uwumbɔr aagbaŋ

¹¹ Le Moses yoor lidabil ngbaan ki di faa litakpal ngbaan nfum mulee, le nnyusakpem puu nyan ni, le binib ngbaan mɔmɔk ni baawakor nyun.

Nkahm 20:11 ပူးပေါင်းရင်းမြစ်များ

1 Bibɔrb Aabɔr 15:13

Naah kaa nan bi ki tun u njan na, le Tidindaan Uwumbɔr nan daa titafal, taah kaa nan dooni u waah ban pu na pu.”

1 Bibɔrb Aabɔr 15:2

le ki bui ke, “Liifai yaab baanja le ga tun Uwumbɔr Aakaal Aadakaa ngbaan, bima le Uwumbɔr nan lee ke bi li tui ki tun waatuln ki ti saa n‑yoonn mu kaa kpa ndoon na.”

Ilahn 105:41

U nan chuu piir litakpal, le nnyun chee nyan ni, ki puu nteersakpiin ni ke limɔɔl na.

Ilahn 114:8

Uwumbɔr u kpelni ŋitakpal ŋani nnyun, ki kpelni ŋijootakpal ŋani inyunbun i puu na, li jii uma aanimbiin ni.

Ilahn 74:15

Aa cha uyayak aanyunbun puu; aa cha ŋimɔɔ ŋi wiir na foor ki kuur.

Ilahn 78:15

U bɔɔl ŋitakpal nteersakpiin ni, ki cha nnyun nyan ni nin chee nyoo na ki tii bi, bi nyun.

Ilahn 78:16

U cha nkpen puu nyan ni litakpal ni, ki cha nnyun puu ke limɔɔl na,

Ilahn 78:20

Ni ye mbamɔn ke u faa litakpal, le nnyun puu nyan ni ke nwam na; tɔ, u ga ŋmaa tii timi tijikaar aa? u ga ŋmaa tii timi waanib tinann mu uu?”

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Hosea 13:5

M nan kpiin nimi nteersakpiin mu aatiŋ kuun na ni.

Liifai Yaab 10:1

Nadab ni Abihu bi nan ye Aaronn aajapɔtiib na, nan yoor tiwan ni bi seer tulalee aayon mmii ni ponn ni na, ki ban mmiisakɔl ŋa ni ponn ni, le ki ban tulalee aayon paan ŋi pu ki di tii Uwumbɔr. Tɔ, mmii ngbaan aa nan ye chain aamii, ba pu? Uwumbɔr aa nan tii bi nsan ke bi ŋa kina.

Nkahm 20:8

“Ti yoor lidabil li dɔ Nkaal Aadakaa chee na, aan aa ni Aaronn kuun ni binib ngbaan mɔmɔk, ki len litakpal sakpeln limina chee tibɔr, binimbil ni, le nnyun ga nyan ni li ponn ni. Ni yaa ŋa kina kan, nnyun ga nyan ni li ponn ni aan binib ngbaan ni baawakor kan nnyun ki nyu.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Ikaal 8:15

Uma le nan loln ni pu nsan, nteersakpiin mu bir na ni, nin chee inyoohn ni ikuub i kpa liluul sakpen na bi na. Kitikuun ki kaa kpa nnyun kpala na, le u nan cha nnyun nyan ni litakpajool ponn ni, le ni nyun.

Jemisi 1:20

ba pu? binib aaŋuul aa tun Uwumbɔr aatunyaan.

Bibɔjirb 15:19

Uwumbɔr nan piir libugeln libaa Lehi aatiŋ ni nima chee, le nnyun nyan ni li ni. Samsonn nan nyun mu, le uwon ki sɔŋ. Kina pu le bi nan yin uyayak aanyunbun ngbaan ke Enn Hakore; mu beenin bi nima, Lehi aatiŋ ni.

1 Samuel 15:19

Ni ki ŋa kinye aan saa kii waamɔb? Ba ŋa aa ber ti gaa baawan, ki ŋa tiwan ni kaa piir Uwumbɔr aasui na?”

1 Samuel 15:24

Le Sɔɔl kii ke, “Een, m tun titunwanbir. M yii Uwumbɔr aamɔb, ni saah mɔk pu na. M san maajab le ijawaan, ki ŋa baah ban pu na.