Nkahm 2:3 - Uwumbɔr aagbaŋ

^3-9 Liwipuul wɔb, bi ye Juda aanibol, ni ŋinibol ŋi kpee li pu na aanib bi kpaan ki kpa baatuutaa na aah ga kal ŋigetek ŋigetek baasalolm chee pu na le paa na: Juda aanibol aasaloln—Aminadab aajapɔɔn Nasonn—waajab nan ye ŋichur imonko itaa ni kipiik ni ŋinaa, ni ikui iloob Isakar aanibol aasaloln—Suar aajapɔɔn Netanel—waajab nan ye ŋichur piiŋmu ni ŋinaa, ni ikui inaa Sebulunn aanibol aasaloln—Helonn aajapɔɔn Eliab—waajab nan ye ŋichur piiŋmu ni ŋilole, ni ikui inaa Baah nan kpaan ki ti saa pu na sɔ: ŋichur nkub ni imonko inaa ni ŋiloob, ni ikui inaa. Juda aanibol, ni ŋinibol ŋi kpee li pu na, le ga li ye bisalolm.

Nkahm 2:3 ပူးပေါင်းရင်းမြစ်များ

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 35:23

Lea aabim le nan ye Rubenn, Jakob aajan aabijabo, ni Simeonn, ni Liifai, ni Juda, ni Isakar, ni Sebulunn.

1 Bibɔrb Aabɔr 2:10

Mmaal ngbaan ki nyan Ram mɔk ki ti saa Jese mɔk na aayimbil sɔ: Ram, ni Aminadab, ni Nasonn, (Nasonn nan ye Juda aanibol ni aanikpaan ubaa la,)

1 Bibɔrb Aabɔr 5:2

Ni mu nan tee ye Juda aanibol le nan ŋa bipɔɔndam le ki nyan bijojoob tii ŋinibol ŋiken na mɔmɔk.

Nnyam 6:23

Aaronn nan yoor Eliseba, Aminadab aabisal u ye Nasonn aaninkpan na, le u nan ma Nadab, ni Abihu, ni Eleasar, ni Itamar.

Nkahm 1:5

Bijab bimina le nan ye bisalolm bi nan bi baanibol ni, aan bi nyan bi baanib ponn ni, ke bi ter lituln ngbaan ni na: Linibol Ntaŋaal Aasaloln Rubenn Sedeur aajapɔɔn Elisur Simeonn Surisadai aajapɔɔn Selumiel Juda Aminadab aajapɔɔn Nasonn Isakar Suar aajapɔɔn Netanel Sebulunn Helonn aajapɔɔn Eliab Efraim Amihud aajapɔɔn Elisama Manase Pedasur aajapɔɔn Gamaliel Benjaminn Gideoni aajapɔɔn Abidann Dann Amisadai aajapɔɔn Ahieser Aser Okrann aajapɔɔn Pagiel Gad Dewel aajapɔɔn Eliasaf Naftali Enann aajapɔɔn Ahira

Nkahm 10:5

N‑yoonn mu bi ti ŋun kakaan wii kaa yunn na, linibol li ka liwipuul wɔb na le ga pue fii, ki li chuun.

Nkahm 3:38

Moses, ni Aaronn, ni ujapɔtiib le nan ye bi ga kal Uwumbɔr Aabool ngbaan aabisamɔb wɔb, liwipuul wɔb na. Bima le nan lik ki tun lituln mɔmɔk Chain Aapepel ni, ki tii Israel aanib. Unii u mu ki pɔɔn ubaa ke u tun lituln ngbaan na kan, u ga kpo la.

Nkahm 7:12

Bi mɔmɔk aah nan joo ni baapiin ki paa tɔb pu pu na sɔ: Linibol Usaloln 1 Juda Aminadab aajapɔɔn Nasonn 2 Isakar Suar aajapɔɔn Netanel 3 Sebulunn Helonn aajapɔɔn Eliab 4 Rubenn Sedeur aajapɔɔn Elisur 5 Simeonn Surisadai aajapɔɔn Selumiel 6 Gad Dewel aajapɔɔn Eliasaf 7 Efraim Amihud aajapɔɔn Elisama 8 Manase Pedasur aajapɔɔn Gamaliel 9 Benjaminn Gideoni aajapɔɔn Abidann 10 Dann Amisadai aajapɔɔn Ahieser 11 Aser Okrann aajapɔɔn Pagiel 12 Naftali Enann aajapɔɔn Ahira Bi mɔmɔk aah nan joo ni baapiin i na nan ye ipiin baan la; bi nan joo ni tikunabr aasambil li aanyunyuun ga pii ndibim kuruwaa ubaa ni ligeln na, ni tikunabr aasapeek kibaa, kaanyunyuun ga pii ndibim kuruwaa ubaa, ki ŋeer bitotoorb aah siin pu na, ni mɔmɔk nilee nan gbii n‑yon mu bi di nkpan buun mu na. Ni nan ye njikaabim aatork aapiin la; ki kpee salmaa aasambil li aanyunyuun ga pii ndibim lichakpaal libaa na, li mu nan gbii tulalee aayon la; ni unaaja ubaa, ni upihja ubaa, ni libiln libaa aapihbo, bi di toor kitork ki bi joo seer mmii ni na; ni uŋoob bi di toor titunwanbir aatork, ni inaaja ilee, ni ipihja iŋmu, ni iŋoja iŋmu, ni libiln libaa aapihbi iŋmu, bi di toor kimɔbaan aatork.

Matiu 1:4

Ram mu ma Aminadab, Aminadab mu ma Nasonn, Nasonn mu ma Salmonn,