Nkahm 19:3 - Uwumbɔr aagbaŋ

³ Bi di u ŋa Eleasar u ye utotoor na aaŋaal ni. Bi di u nya n‑gbaan nibaa chee ki ti kɔr u, Eleasar aanimbiin ni.

Nkahm 19:3 ပူးပေါင်းရင်းမြစ်များ

Liifai Yaab 16:27

Unaaja ni uŋoob ni bi di toor titunwanbir aatork na aasin mu bi joo ni Chain Chain Aapepel ni ke mu nyan titunwanbir na, bi di i nya lipaal nibaa chee ki ti see i mmii ni. Bi di igban, ni tinann, ni tineer mɔmɔk see mmii ni.

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Liifai Yaab 4:11

Unaaja ngbaan aagban, ni tinann, ni liyil, ni ŋitaa, ni ponn ni aawan ki kpee tineer ma kan,

Liifai Yaab 4:12

u ga di ni mɔmɔk nya baah ka ni chee na lipaal, ki di buen baah joo nfatan kpir nin chee aan ni ye chain na, ki see ni mɔmɔk idɔ aamii pu nima chee.

Liifai Yaab 4:21

Le u nin yoor unaaja ngbaan nya lipaal ki ti see u mmii ni, ke waah see ubaa aatunwanbir aapiin aanaaja pu na. Kitork kimina aaboln le ga ŋmaa nyan bi baatunwanbir ponn ni.

Nkahm 15:36

Nima pu na, Uwumbɔr aah nan mɔk ke bi ŋa pu na, le bi nan nyan u n‑gbaan, ki ti mae ŋitakpal ku u.

Nkahm 19:9

Unii u ye chain na le ga faa unaa ngbaan aafatan ki di mu bil lipaal, nin chee ŋan na, nima chee le mu ga li dɔ, le Israel aanii ubaa yaa kpaln tijɔŋdaan kan, bi ga lee nfatan ngbaan ŋa nnyun ni, le udaan fu mu, aan ki ŋa chain. Bi yaa ŋa kina kan, bi ga nya baatunwanbir ni.

Nkahm 3:4

Nadab ni Abihu nan di mmii yayan toor kitork, Sainai Aateersakpiin ni, le Uwumbɔr faa ku bi. Baa nan kpa mbim, nima pu na Eleasar ni Itamar le nan gur tun bitotoorb aatuln, buyoonn bite Aaronn nan bi limɔfal ni na.

Nkahm 5:2

“Tuk Israel yaab ke bi nyan binib bi kpa tiwon aaween i bir na, bee biwon nya kinyuŋ ni tinar, ni unii umɔk meeh utekpiir kaa bi chain na, nibaa chee.