Nkahm 19:19 - Uwumbɔr aagbaŋ

¹⁹ Wintaa, ni winlole daal kan, unii u bi chain na di nnyun ngbaan yɔk yɔk unii u kaa bi chain na pu. Winlole daal kan, u toor nyan uja ngbaan aajɔŋ, ki cha u finn waawanpeenkaan ki fu nnyun, le nwiin yaa lir liyaadaal ngbaan kan, u ŋa chain le na.

Nkahm 19:19 ပူးပေါင်းရင်းမြစ်များ

Mpiin 2:2

Winlole daal, le Uwumbɔr nan tun lituln mɔmɔk doo, ki kal fuur.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Liifai Yaab 14:7

ki di mu yɔk yɔk uweendaan ngbaan pu nfum mulole, ki bui ke u ŋa chain a. Linanjel li gur waa kɔr li na, utotoor di li lii aan li fii buen.

Liifai Yaab 14:9

Winlole daal kan, u ki gir kuu uyikpir, ni ulangbaln, ni tinimbikee, ni tikor timɔk bi uwon pu na; u ki finn waawanpeenkaan mɔmɔk ki fu nnyun le ki nin ŋa chain.

Nkahm 19:12

See u fu nnyun mu ga cha u li bi chain na, wintaa daal, ni winlole daal, le ki nin ŋa chain. U yaa kaa fu kina aanyun wintaa ni winlole daal ki ŋa ubaa chain kan, waan li bi chain.

Nkahm 19:13

Unii umɔk meeh linikpol, kaa fu kina aanyun ki ŋa ubaa chain na kan, u gaar tijɔŋ ngbaan ni la, ba pu? waa fu kina aanyun. U bii Uwumbɔr Aabool le na, le waa ki waan ki li ye Uwumbɔr aanib ponn ni ubaa.

Nkahm 19:18

Unii u bi chain na yoor nkiisuk bɔ nnyun ngbaan ni, ki di yɔk yɔk kidiik ngbaan pu, ni tiwan nimɔk bi ki ponn ni na, ni binib bi nan bi ki ponn ni na pu. Unii u bi chain na mu di nnyun ngbaan yɔk yɔk uja u meeh unibɔn aakpab, bee linikpol, bee u meeh likaakul na pu.

Nkahm 31:19

Nimi bi mɔmɔk ku unii na, ni bi meeh linikpol na, ni taa kun ni linampal, ni kuun ki li bi nibaa chee ki ti saa iwiin ilole. Wintaa, ni winlole daal kan, ni toor ki ŋa nibaa, ni bipiib bi ni chur bi tinaagbiir na chain.

Nkahm 31:24

Winlole daal kan, ni finn nimi aawanpeenkaan aan ki ŋa nibaa chain, ki gir kun ni linampal.”

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

Juud 1:23

ki ter bibaa mu ke bi ŋmar ki nya ntafadaan ni. San bibaa mu kinimbaak man, ki li nan baatunwanbir ti ŋa bi tijɔŋ na, ki li san ijawaan baatunwanbir taa doo nimi.