Nkahm 19:13 - Uwumbɔr aagbaŋ

¹³ Unii umɔk meeh linikpol, kaa fu kina aanyun ki ŋa ubaa chain na kan, u gaar tijɔŋ ngbaan ni la, ba pu? waa fu kina aanyun. U bii Uwumbɔr Aabool le na, le waa ki waan ki li ye Uwumbɔr aanib ponn ni ubaa.

Nkahm 19:13 ပူးပေါင်းရင်းမြစ်များ

Nnyam 30:33

Unii ubaa yaa ŋa nkpan ngbaan aaboln, bee u yaa di mu ki di meen unii u kaa ye utotoor na kan, waan ki li ye maanii.’”

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Esekiel 44:26

U yaa nan nyan tijɔŋ ngbaan ni kan, u cha iwiin ilole jer waahr,

Liifai Yaab 15:31

Uwumbɔr nan bui Moses ke u sur Israel yaab baah kaa bi chain pu na, nima kan, bi li nyi ki taa bii Waabool li u bi li ponn ni, ki si bikaasisik ni na, ke bi yaa bii li kan, u ga ku bi.

Liifai Yaab 20:3

Ubaa yaa di waabo toor kitork tii Liwaal Molek ki bii Maabool, aan laa ki bi chain, ki jinn maayimbil li bi chain na inimɔɔn kan, m ga daa utafal; waan ki li ye maanib ponn ni ubaa.

Liifai Yaab 22:3

Saamaal ponn ni aanii ubaa yaa kaa bi chain kan, u taa duun ni ipiin i bi chain aan Israel yaab di tii mi na chee, u yaa kaa bi chain ki ŋa kina kan, waan ki ŋmaa tun lituln kitork aabimbiln taab. Nkaal ngbaan ga li bi kina le cha n‑yoonn mɔmɔk. Min le ye Uwumbɔr.

Liifai Yaab 22:4

“Aaronn aayaabitiib ponn ni ubaa yaa kpa tiwon aaween i bir na, bee tinar yaa nya uwon pu kan, u taa ji ipiin i bi chain na aatork aajikaar, see bi toor u, u ŋa chain. Utotoor umɔk meeh tiwan ni meeh utekpiir kaa bi chain na, bee tijar nya u ni,

Liifai Yaab 5:17

Unii ubaa yaa peln bii Uwumbɔr aakaal kan, u tun titunwanbir le na, le ni ŋeer u pa ti pu.

Liifai Yaab 5:3

Ubaa yaa kaa nyi le ki meeh unibɔn aajɔŋ kan, u yaa nan bee ke waah ŋa pu na aa ŋan kan, waabɔr bii a.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Liifai Yaab 7:20

Tɔ, unii u kaa bi chain na yaa ŋman tinann ngbaan kan, waan ki li ye Uwumbɔr aanib ponn ni ubaa.

Liifai Yaab 7:21

Ni ki kpee na, unii umɔk meeh unibɔn aajɔŋ, bee kiwakork ki kaa bi chain na, nee aapuwɔb u yaa ŋman kitork ngbaan aanann kan, waan ki li ye Uwumbɔr aanib ponn ni ubaa.

Nkahm 15:30

Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Nkahm 19:14

Nibaakan unii ubaa yaa bi waadiik ponn ni, uken kpo leŋ u pu, bee linikpol ngbaan yaa dɔ ki ponn ni, le uken koo li chee kan, u mu kpaln tijɔŋdaan iwiin ilole le na.

Nkahm 19:18

Unii u bi chain na yoor nkiisuk bɔ nnyun ngbaan ni, ki di yɔk yɔk kidiik ngbaan pu, ni tiwan nimɔk bi ki ponn ni na, ni binib bi nan bi ki ponn ni na pu. Unii u bi chain na mu di nnyun ngbaan yɔk yɔk uja u meeh unibɔn aakpab, bee linikpol, bee u meeh likaakul na pu.

Nkahm 19:19

Wintaa, ni winlole daal kan, unii u bi chain na di nnyun ngbaan yɔk yɔk unii u kaa bi chain na pu. Winlole daal kan, u toor nyan uja ngbaan aajɔŋ, ki cha u finn waawanpeenkaan ki fu nnyun, le nwiin yaa lir liyaadaal ngbaan kan, u ŋa chain le na.

Nkahm 19:20

Unii umɔk kaa bi chain ki mu yii kaa toor ubaa na kan, u gur ye ujɔŋdaan la, ba pu? waa fu nnyun mu ŋani binib chain na. U bii Uwumbɔr Aabool le na, le waan ki li ye Uwumbɔr aanib ponn ni ubaa.

Nkahm 19:9

Unii u ye chain na le ga faa unaa ngbaan aafatan ki di mu bil lipaal, nin chee ŋan na, nima chee le mu ga li dɔ, le Israel aanii ubaa yaa kpaln tijɔŋdaan kan, bi ga lee nfatan ngbaan ŋa nnyun ni, le udaan fu mu, aan ki ŋa chain. Bi yaa ŋa kina kan, bi ga nya baatunwanbir ni.

Nkahm 8:7

ki dii maah ga mɔk si pu na aan ki toor bi chain; di nnyun mu aa joo toor ki ŋani tiwan chain na yɔk bi pu, aan ki tuk bi ke bi kuu biwon pu tikor mɔmɔk, ki finn baawanpeenkaan mu. Nima kan, bi ga li bi chain.

Nkahm 9:13

Tɔ, unii umɔk bi linampal, kaa buen nsan, ki mu bi chain, ki yii kaa jin Lakr‑jer aajim ngbaan na kan, u li nyi ke waa ki ye maanii, ba pu? buyoonn ni ŋeer ke u tii mi ipiin na, waa ŋa kina, le u ga ji falaa kina pu.

Jɔnn 8:24

Nima le cha m tuk nimi ke ni ga kpo, le Uwumbɔr aan di cha pinn nimi; ba pu? ni yaa kaa gaa mi ki kii ke m ye maah tuk nimi pu na kan, ni ga kpo, le Uwumbɔr aan di cha pinn nimi.”

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

Hiibru Yaab 9:10

Nkaalkpok ngbaan mɔk bi tijikaar ni tiwanyukaan ni kɔ na, ni ni kaa kɔ na, ki mɔk bi baah ga finn bibaa ki ŋa chain pu na. Ni nan mɔk ke see bi dii kina le ki nan saa buyoonn Yesu ga joo ni nsanpɔɔn mu ŋan na.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:11

Unii umɔk tun lituln li kaa ŋan na, u li beenin tun kina. Unii umɔk tun tijɔŋ aatuln na, u li beenin tun kina. Unii umɔk tun lituln li ŋan na, u li beenin tun kina. Unii umɔk bi chain na, u li beenin bi chain.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.