Nkahm 19:11 - Uwumbɔr aagbaŋ

¹¹ Unii umɔk meeh linikpol na kan, u kpaln tijɔŋdaan le ki ti saa iwiin ilole.

Nkahm 19:11 ပူးပေါင်းရင်းမြစ်များ

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Inandalahn 4:14

Kaasalolm nan chuun kpak kitiŋ ponn ni ke bijoom na, biwon mɔmɔk nan ye nsin, le ubaa aan kii ki meeh bi.

Esekiel 39:12

Israel yaab ga di iŋmal ilole le sub ŋinikpol ngbaan mɔmɔk, ki ki ŋa baatiŋ chain.

Esekiel 44:26

U yaa nan nyan tijɔŋ ngbaan ni kan, u cha iwiin ilole jer waahr,

Liifai Yaab 11:31

Unii umɔk meeh ni, bee naawankpol na, aa ki bi chain kina ki ti saa kijook wɔb.

Liifai Yaab 21:1

Uwumbɔr nan bui Moses ke u tuk Aaronn aajapɔtiib bi ye bitotoorb na ke,

Liifai Yaab 21:11

Bi di u tii min Uwumbɔr la, le naa ŋan ke u bii ubaa. U taa nya Maabool ni ki ti li koo linikpol do, hali ni yaa ye ute, bee una kan, naa ŋan ke u bii Maabool.

Liifai Yaab 22:4

“Aaronn aayaabitiib ponn ni ubaa yaa kpa tiwon aaween i bir na, bee tinar yaa nya uwon pu kan, u taa ji ipiin i bi chain na aatork aajikaar, see bi toor u, u ŋa chain. Utotoor umɔk meeh tiwan ni meeh utekpiir kaa bi chain na, bee tijar nya u ni,

Liifai Yaab 5:2

Ubaa yaa kaa nyi le ki meeh tiwan ni kaa bi chain na, nibaakan kiwakork ki kpo na, u yaa bee ke waah ŋa pu na aa ŋan kan, u ŋa tijɔŋ aanii, le waabɔr bii.

Hagai 2:13

Le Hagai ki baa bi ke, “Unii yaa meeh linikpol aan ki kpaln tijɔŋ aanii, ki yaa nan ki meeh tijikaar ngbaan kan, kina ngbaan ga ŋmaa cha kina aajikaar kpaln tijɔŋ aajikaar aa?” Le bitotoorb ngbaan kii ke, “Een.”

Nkahm 19:16

Nibaakan bi yaa ku unii, bee u kpo ubaa pu lipaal, aan uken yaa meeh u, bee unii ubaa yaa meeh unibɔn aakpab, bee likaakul kan, u kpaln tijɔŋdaan iwiin ilole le na.

Nkahm 31:19

Nimi bi mɔmɔk ku unii na, ni bi meeh linikpol na, ni taa kun ni linampal, ni kuun ki li bi nibaa chee ki ti saa iwiin ilole. Wintaa, ni winlole daal kan, ni toor ki ŋa nibaa, ni bipiib bi ni chur bi tinaagbiir na chain.

Nkahm 5:2

“Tuk Israel yaab ke bi nyan binib bi kpa tiwon aaween i bir na, bee biwon nya kinyuŋ ni tinar, ni unii umɔk meeh utekpiir kaa bi chain na, nibaa chee.

Nkahm 6:6

Waakor le ye limɔkl ke u di ubaa tii Uwumbɔr la, nima pu na, u taa meeh linikpol ki bii ubaa, hali ute, bee una, bee ute aabo yaa kpo kan, u taa meeh linikpol ngbaan.

Nkahm 9:10

“Tuk Israel aanib ngbaan ke n‑yoonn mu ni ponn ni ubaa, bee niyaabitiib, yaa ti meeh linikpol ki bii ubaa, bee u buen lisachuln kaa bi, ki ban ke u ŋa Lakr‑jer aajim na kan,

Nkahm 9:6

Tɔ, binib bibaa nan bi bi ponn ni, ki meeh linikpol ki bii bibaa, kina na, baa nan ŋmaa kpaan biken chee ki ŋa njim ngbaan liyaadaal. Le bi buen Moses ni Aaronn chee le ki ti bui bi ke,

Lituln 21:26

Tɔ, Pɔɔl nan kii baah tuk u pu na. Ki woln kitaak le u yoor bijab binaa ngbaan, le u ni bi ti ŋa bibaa chain. Le u koo Uwumbɔr Aadichal ni, ki ti tuk Uwumbɔr aatotoor bundaln bi ga ŋa chain doo aan ki toor kitork tii Uwumbɔr na. Iwiin ilole daal, le bi ga ŋa chain doo.

Lituln 21:27

Tɔ, iwiin ilole ngbaan aa nan kee fuu, le Juu yaab bibaa, bi nyan ni Asia aatim ni na, kan Pɔɔl Uwumbɔr Aadichal ni. Le bi cha kinipaak ŋma tijar Pɔɔl pu, ki chuu u mpɔɔn, ki tar ke,

Rom Yaab 5:12

Unibaan le nan joo ni titunwanbir dulnyaa ni, le titunwanbir ngbaan joo ni nkun. Binib mɔmɔk aah tun titunwanbir na, le nkun yaa gaa dulnyaa mɔmɔk ni.

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Efesusi 2:1

U tii nimi limɔfal la. Ni nan tun titunwanbir, kaa nan kii Uwumbɔr aamɔb, nima le naa nan kpa limɔfal.

Hiibru Yaab 9:14

Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.