Nkahm 19:10 - Uwumbɔr aagbaŋ

¹⁰ Uja u faa nfatan ngbaan na mu finn waawanpeenkaan, u mu beenin ye ujɔŋdaan la, see kijook wɔb le u ga nan ŋa chain. Nkaal ngbaan bi kina le ki cha n‑yoonn mɔmɔk. Mu ye nkaal ki tii Israel yaab, ni biwɔwɔm bimɔk koo bi chee na la.

Nkahm 19:10 ပူးပေါင်းရင်းမြစ်များ

Nnyam 12:49

Ni ye kina le ki tii nimi Israel aatimbim, ni biwɔwɔm bi bi ni chee na mu.”

Liifai Yaab 14:46

N‑yoonn mu bi laŋ lidichal ngbaan aan unii koo li ponn ni na, waa ki bi chain le ki ti saa kijook wɔb.

Liifai Yaab 16:28

Udaan u di ni see mmii ni na finn waawanpeenkaan ki fu nnyun waahr aan ki nin gir kun linampal biken chee.

Nkahm 19:19

Wintaa, ni winlole daal kan, unii u bi chain na di nnyun ngbaan yɔk yɔk unii u kaa bi chain na pu. Winlole daal kan, u toor nyan uja ngbaan aajɔŋ, ki cha u finn waawanpeenkaan ki fu nnyun, le nwiin yaa lir liyaadaal ngbaan kan, u ŋa chain le na.

Nkahm 19:21

N‑yoonn mɔmɔk kan, ni li joo nkaal ngbaan. Le unii u di nnyun ngbaan yɔk yɔk ke mu ŋa uken chain na, mu finn waawanpeenkaan; le unii umɔk meeh nnyun ngbaan na, u mu kpaln tijɔŋdaan le ki ti saa kijook wɔb.

Kolosiya 3:11

Naah kpa mbimbipɔm na, naa ki yakr Juu yaab, ni binib bi kaa ye Juu yaab na, ni binib bi gii ŋichakpan na, ni binib bi kaa gii na, ni biwɔwɔm, ni timoor ni aanib, ni binaagbiib, ni bimalb. Ni mɔmɔk kpaan la. Kristo le jer tiwan ngbaan mɔmɔk, ki bi waanib mɔmɔk ni.