Nkahm 18:8 - Uwumbɔr aagbaŋ

⁸ Uwumbɔr nan ki bui Aaronn ke, “Teer ke m di ipiinkpaan i bi di toor kitork tii mi kaa di see mmii ni na tii si la. M di i tii sin ni aayaabitiib, aan i li ye nimi aawan ki cha n‑yoonn mu kaa kpa ndoon na la.

Nkahm 18:8 ပူးပေါင်းရင်းမြစ်များ

2 Bibɔrb 12:16

Ŋimombil ŋi bi nan tii ipiin aapɔln na, ni titunwanbir aatork aamombil ma aa nan koo dakaa ngbaan ni; ŋima ye bitotoorb aamombil la.

2 Bibɔrb Aabɔr 31:4

Ubɔr nan ki tuk Jerusalem aanib ke bi li joo ni ipiin i ye bitotoorb ni Liifai yaab yaan na, aan bi ŋmaa kan mpaan ki li ŋani Uwumbɔr Aakaal aah ban pu na.

2 Bibɔrb Aabɔr 31:5

Ubɔr aah tii limɔboln ngbaan na, libuul ngbaan ni, le binib ngbaan di baajan aajikaabim, ni ndaan, ni olif aakpan, ni tisiir, ni tisar aajikaar tiken na, ni baah kpa tiwan ni mɔmɔk, ki yakr ni kipiik kipiik ki nyan nibaabaa tii Uwumbɔr na buen.

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Nnyam 29:21

Aa ban nsin mu bi libimbiln ngbaan pu na ngem, ni olif aakpan na mu ngem, aan ki yɔk Aaronn ni ujapɔtiib aawanpeenkaan pu. Nima kan, uma, ni waabim, ni baawanpeenkaan ga li ye min yaan la.

Nnyam 29:28

N‑yoonn mu maanib ti toor kimɔbaan aatork tii mi na, bitotoorb le yeh kiwakork ngbaan aabingbaal ni litaajal. Min le siin kina, kaan kpeln maalandak. Binib ngbaan aapiin i bi tii min Uwumbɔr na le na.

Nnyam 29:29

“Aaronn yaa ti kpo buyoonn na kan, ni di waatork aawanpeenkaan di tii waabim, aan bi yaa ti kaan bi bitotoorb kan, bi li joo peeni.

Nnyam 40:13

Di utotoor aawanpeenkaan peen Aaronn, ki di maakpan kpir uyil pu. Aa yaa ŋa u kina kan, u ga ŋmaa tun utotoor aatuln ki tii mi.

Nnyam 40:15

ki di maakpan kpir biyil pu, ke saah ŋa bite pu na, nima kan, bi ga ŋmaa tun bitotoorb aatuln tii mi. Saah ga di maakpan kpir biyil pu pu na le ga cha bi li ye bitotoorb n‑yoonn mu choo na.”

Aisaya 10:27

N‑yoonn ngbaan yaa fuu ni kan, m ga gaa nimi lii, ki nyan nimi Asiria yaab aapɔɔn ni. Baamukl aan ki li bi ni pu.”

Liifai Yaab 21:10

“Utotoorninkpel ye unii u bi di nkpan kpir uyil pu na la, le min Uwumbɔr nyan u ke u tun waatuln ki li peeni bitotoorb aawanpeenkaan, nima pu na, u taa di uyikpir lii ke waan chaar ti, ki taa kar waawanpeenkaan, ke u bi wii ikpowiil la.

Liifai Yaab 23:20

Le utotoor ga di boroboro ngbaan, ni ipihjabi ilee na toor ipiinkpaan aatork tii Uwumbɔr, le bitotoorb ga yoor ni ki li joo. Ipiin imina ye chain la.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 6:18

N‑yoonn mɔmɔk Aaronn aamaal bi ye bijab na ga ŋmaa ji tijikaar ngbaan, ba pu? Uwumbɔr le yakr waajikaar tii bi. Unii ubaa yaa kaa bi chain kan, u taa mee ti.

Liifai Yaab 6:20

Bundaal ni ban ni kaan Aaronn aajapɔɔn u li ye utotoor na kan, liyaadaal ngbaan, u ban n‑yon kuruwaa ubaa ki nan tii Uwumbɔr ipiin, ke iwiin mɔmɔk aajikaabim aatork aah wiir pu na; u di ligeln tii kichakpiik ni, ki nan di ligeln mu tii kijook wɔb.

Liifai Yaab 6:26

Utotoor u ŋa kitork ngbaan na le ga ŋmɔ kiwakork ngbaan aanann, chain aapepel ni, Uwumbɔr aanimbiin ni, Libool ngbaan aachiln ni.

Liifai Yaab 7:14

U nyan boroboro ngbaan mɔmɔk ubaabaa, ni li ye tootookpaan ki di tii Uwumbɔr. Utotoor u di kitork ngbaan aasin yɔk yɔk kitork aabimbiln pu na le yeh tijikaar aapiin ngbaan.

Liifai Yaab 7:28

Uwumbɔr nan ki di ikaal imina tii Moses

Liifai Yaab 7:6

Utotoor aamaal ni aajab mɔmɔk ga ŋmaa ji ti, ni ŋan ke bi ji ti chain aapepel ni la; ba pu? ti ye chain pam.

Liifai Yaab 8:30

Moses nan ban Uwumbɔr aakpan, ni nsin mu bi libimbiln pu na ngem, ki di yɔk Aaronn, ni ujapɔtiib, ni baawanpeenkaan pu. U nan ŋa kina ki di bi ni baawanpeenkaan tii Uwumbɔr, bi li ye uyaab la.

Nkahm 18:9

Ipiinkpaan i ye miyaan ki bi chain, baan di see mmii ni, kitork aabimbiln pu, ki ye saawan na sɔ: njikaabim aatork, ni titunwanbir aatork, ni lipɔln aapam aatork. Tiwan nimɔk bi di tii mi, ni ye chain aapiin na ye aa ni aajapɔtiib yaan la.

Nkahm 5:9

Ni ki kpee na, Israel yaab yaa too tootookpaan tii min Uwumbɔr kan, ni ye baah di tii utotoor u na le yaan.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:6

Nima chee le ni ga toor nimi aatoor ti ni ga li joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni nimi aapiin, ni ni yaa puu Uwumbɔr tipuur kan, naah ga pa pu na, ni nibaa aageehn aapiin, ni nimi aawakor aajan aabim aapar.

Ikaal 18:1

“Liifai aanibol, bi ye bitotoorb na, aan li kpa ikpaakon ke ŋinibol ŋiken na. Baah ga li ji tiwan ni na le ye ipiin, ni kitork ki binib joo ni nan tii Uwumbɔr na.

Ikaal 26:13

u bui Uwumbɔr ke, ‘Tiwan ni ye ki ŋeer m di tii si na nibaa aa ki gur ndo linampal, m di ni mɔmɔk tii Liifai yaab, ni biwɔwɔm, ni nkpobim, ni bikpopiib, saah len ke m ŋa pu na, maa yii saah len pu na, ki mu aa suln.

Hiibru Yaab 1:9

Aa gee lituln li ŋan na, le kaa gee titunwanbir. Nima pu le Uwumbɔr u ye Saawumbɔr na lee si, ki tii si mpopiin ki jer aaŋeen aatɔtiib mɔmɔk.”

1 Jɔnn 2:20

Nimi kan, Yesu u ye chain na tii nimi Waafuur Nyaan. Waafuur Nyaan aah bi nisui ni na, nima le ni mɔmɔk nyi tibɔr ti ye mbamɔn na.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.