Nkahm 18:7 - Uwumbɔr aagbaŋ

⁷ Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Nkahm 18:7 ပူးပေါင်းရင်းမြစ်များ

Ilahn 115:10

Nimi Uwumbɔr aatotoorb, li kpa limakl Uwumbɔr pu man. U ter nimi, le ki kii nimi.

Nnyam 28:1

“Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Nnyam 29:9

ki di ŋitan buu bichaŋ ni, ki ki di ŋitan buu biyil. Kina le aa ga kaan Aaronn ni ujapɔtiib bi li tun kitork aatuln. Bi ni biyaabitiib ga li tun kitork aatuln tii mi kina, le ki cha n‑yoonn mu kaa kpa ndoon na.

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Esekiel 44:16

Bima baanja le ga koo Maadichal ni, ki tun lituln maatork aabimbiln taab, ki loln nsan Maadichal aadoon ni.

Esekiel 44:8

Baa tun Maadichal aatuln li bi chain na, ki tee di li ŋa biwɔwɔm aaŋaal ni.

Liifai Yaab 16:2

le Uwumbɔr len Moses chee ke, “Bui aakpel Aaronn ke u taa li koo Chain Chain Aapepel ni, nin chee likekeln gii Libool ngbaan ni na yɔl yɔl, see n‑yoonn mu u ga koo ni ponn ni na ti fuu, ba pu? nima chee le m bi ntaalangbam ni, Maakaal Aadakaa aabiil aapaacham. U yaa yii ki koo kan, u ga kpo.

Liifai Yaab 7:35

Tinann ti Uwumbɔr nan nyan ki siin ke bi li joo tii Aaronn ni ujapɔtiib, bundaal bi nan kaan bi bitotoorb na le bi na.

Nkahm 1:51

N‑yoonn mumɔk ni ti fii ki cha na kan, Liifai yaab le ga kpab Libool ngbaan aawan mɔmɔk, le ki ti ki gaa Libool ngbaan nimi aakakaapɔɔn chee. Unii umɔk dan li chee, kaa ye Liifai yaab ponn ni na kan, u ga kpo la.

Nkahm 16:40

Uwumbɔr nan cha ni ye nsurm, le ki mɔk Israel yaab mɔmɔk ke unii yaa kaa nyan ni Aaronn aamaal ni kan, u taa dan kitork aabimbiln chee u nan see tulalee aayon tii u. Unii yaa ŋa kina kan, u ga kpo ke Kora ni waajab aah nan kpo pu na. Eleasar nan ŋa tiwan ngbaan mɔmɔk, Uwumbɔr aah nan bui Moses ke u cha bi ŋa ni pu na la.

Nkahm 18:20

Uwumbɔr nan ki bui Aaronn ke, “Saa kpa liwangol libaa aayaabitiib ga ji li lifaal, le baan gii Israel yaab aatiŋ nibaa chee tii si. Min Uwumbɔr ŋeer si.”

Nkahm 18:3

Liifai yaab ga li ter si la, le ki tun Libool na ni aatuln. Tɔ, baa kpa nsan bi meeh tiwan nimɔk bi chain ki bi Chain Aapepel na ponn ni, bee kitork aabimbiln. Bi yaa ŋa kina kan, bi ni si ga kpo.

Nkahm 3:10

Aa ga nyan Aaronn ni ujapɔtiib le bi li tun bitotoorb aatuln, unii u mu ki ban ke u tun bitotoorb aatuln na kan, u ga kpo.”

Nkahm 3:38

Moses, ni Aaronn, ni ujapɔtiib le nan ye bi ga kal Uwumbɔr Aabool ngbaan aabisamɔb wɔb, liwipuul wɔb na. Bima le nan lik ki tun lituln mɔmɔk Chain Aapepel ni, ki tii Israel aanib. Unii u mu ki pɔɔn ubaa ke u tun lituln ngbaan na kan, u ga kpo la.

Matiu 10:8

ki cha bibum pɔɔk, ki li fikr binib bi kpo na, ki cha bikɔndam pɔɔk, ki nyan tiyayaar ni bipɔnib binib ni. Ni kan mpɔɔn, kaa pan nibaa. Ni mu li tii bibum laafee, ki taa li ban tipar.

Jɔnn 3:27

Le Jɔnn bui bi, “Ubaa aan ŋmaa ŋa nibaa see Uwumbɔr le tii u.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Ikaal 18:2

Bi taa li kpa ikpaakon ke biken aah kpa pu na, baayimɔɔn le ye ke bi ye Uwumbɔr aatotoorb ke waah nan puu tipuur pu na.

Hiibru Yaab 5:4

Unii ubaa aan ŋmaa nyuŋ ubaa ki ŋa ubaa utotoorninkpel, see Uwumbɔr le lee u, ki ŋa u utotoorninkpel, ke waah nan lee utotoorninkpel Aaronn pu na.

Josua 18:7

Mbamɔn, Liifai yaab ma kan, maan yakr kitiŋ kibaa tii bi ke nimi bi gur na aah ga kan pu na, ba pu? biyaan le ye ke bi ye Uwumbɔr aatotoorb. Gad, ni Rubenn, ni Manase aanibol ligeln bi bi Jɔɔdann Aamɔɔl aawipuul na mu kan kitiŋ ki bi liwipuul wɔb ngbaan na. Uwumbɔr aatutunn Moses le nan di ki tii bi.”

1 Piita 5:2

ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

1 Piita 5:3

Uwumbɔr di bi ŋa niŋaal ni la. Ni taa ŋani ke naah ye bidindatiib le na. Cha nimi aabimbinyaan mɔk bi baah ga dii pu na.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.