Nkahm 18:4 - Uwumbɔr aagbaŋ

⁴ Bi ga ter si, le ki tun baatuln aah ye pu na Libool ngbaan ni. Unii u kaa ŋeer ke u tun saatuln na kan, u taa duun ni aa chee.

Nkahm 18:4 ပူးပေါင်းရင်းမြစ်များ

Esekiel 44:14

M joo Maadichal ni aanaagbiituln le tii bi.”

Nkahm 1:51

N‑yoonn mumɔk ni ti fii ki cha na kan, Liifai yaab le ga kpab Libool ngbaan aawan mɔmɔk, le ki ti ki gaa Libool ngbaan nimi aakakaapɔɔn chee. Unii umɔk dan li chee, kaa ye Liifai yaab ponn ni na kan, u ga kpo la.

Nkahm 1:53

Le Liifai yaab ma ga kal gob Libool ngbaan ki li kii li, aan nima kan, biken taa duun li, ki cha maaŋuul fii aan m bii Israel yaab.”

Nkahm 18:3

Liifai yaab ga li ter si la, le ki tun Libool na ni aatuln. Tɔ, baa kpa nsan bi meeh tiwan nimɔk bi chain ki bi Chain Aapepel na ponn ni, bee kitork aabimbiln. Bi yaa ŋa kina kan, bi ni si ga kpo.

Nkahm 18:5

Sin, ni aajapɔtiib baanja le ga tun Chain Aapepel wɔb, ni kitork aabimbiln pu aatuln. Nima kan, maaŋuul aan ki fii Israel yaab pu.

Nkahm 3:10

Aa ga nyan Aaronn ni ujapɔtiib le bi li tun bitotoorb aatuln, unii u mu ki ban ke u tun bitotoorb aatuln na kan, u ga kpo.”

Nkahm 31:30

Ligeln li ye litimbol ngbaan aanib yaan na, ni yaa kahn binaagbiib ti saa piiŋmu kan, ni ti nyan ubaa; ki ŋa inaa, ni ibon, ni ipiih, ni iŋoob mu kina, ki di ni tii Liifai yaab bi tun Uwumbɔr Aabool ponn ni lituln na.”

Nkahm 8:26

Nee aapuwɔb na, u ga ŋmaa ter biken baatuln ni, Maabool ni; biken yaa kaa bi kan, waan ki ŋmaa tun lituln ngbaan ubaa baanja. Kina le aa ga mɔk Liifai yaab baatuln mɔmɔk.”

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.