Nkahm 18:32 - Uwumbɔr aagbaŋ

³² Ni yaa di tiwan ni ŋan na tii min Uwumbɔr kan, ni ga ŋmaa ji ni gur na, kaan li kpa ngalm kina pu. Tɔ, ni li nyi man, Israel yaab yaa joo ni ipiin i ye chain na kan, ni taa lik ke i ye fam, ki ji, kaa pue nyan i ŋan na tii mi Uwumbɔr. Ni yaa ŋa kina kan, ni ga kpo.”

Nkahm 18:32 ပူးပေါင်းရင်းမြစ်များ

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Liifai Yaab 19:8

Unii umɔk ŋman ti na aabɔr ga bii, ke waa lik faar tiwan ni bi di tii mi na, waan ki li ye maanib ponn ni ubaa.

Liifai Yaab 22:2

ke u tuk Aaronn ni ujapɔtiib ke, “Ni li joo ipiin i Israel yaab di tii mi i bi chain na mbamɔm, aan ki taa jinn maayimbil li bi chain na inimɔɔn. Min le ye Uwumbɔr.

Malakai 1:7

Naah lik mi fam pu na sɔ, ni joo tijikaar ti kaa ŋan na le toor kitork maatork aabimbiln pu. Le ni baa ke, ‘Kinye aan ti yii kaa pak si?’ M ga bui nimi ke naa lik faar maatork aabimbiln.

Nkahm 18:22

Israel yaab bi gur na taa ki duun Maabool ke bi nan ŋa nibaa, nima kan, maan daa bitafal ki ku bi.

Nkahm 18:31

Naah bi Maabool ni ki tun maatuln na, aa ni saamaal ga ŋmaa ji ni gur na, naah gee nin chee na; nimi aapar le na.

Nkahm 19:1

Uwumbɔr nan bui Moses ni Aaronn

1 Korenti 11:27

Nima pu na, unii yaa ŋman Tidindaan aaboroboro ngbaan, ki nyu waawanyukaan ngbaan, kaa tii u lisil kan, u sii Tidindaan aawon ni waasin.

1 Korenti 11:29

Unii yaa ŋman ki yaa nyun, ki yaa kaa bee Tidindaan aawon aatataa kan, u ga cha Uwumbɔr daa utafal.