Nkahm 18:20 - Uwumbɔr aagbaŋ

²⁰ Uwumbɔr nan ki bui Aaronn ke, “Saa kpa liwangol libaa aayaabitiib ga ji li lifaal, le baan gii Israel yaab aatiŋ nibaa chee tii si. Min Uwumbɔr ŋeer si.”

Nkahm 18:20 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Ilahn 142:5

Uwumbɔr, m wii yin si ki ban nterm la; Uwumbɔr, sin le ye u kii mi na. Sin le ye tiwan ni mɔmɔk m ban maamɔfal ponn ni na.

Ilahn 16:5

Uwumbɔr, sin le ye maawangol, le aa tii mi maah ban pu na; maataak ki ga woln na bi sin le aaŋaal ni.

Ilahn 73:26

Nibaakan, maalandak ni nwon ga yɔl, le Uwumbɔr ma ye maapɔɔn; uma le ye tiwan ni m ban n‑yoonn mɔmɔk na.

Inandalahn 3:24

Uwumbɔr baanja le m kpa, kina pu le m kpa limakl u pu.

Esekiel 44:28

“Maah di tiwan ni tii bitotoorb Israel yaab ponn ni ke bi li joo nabr biyaabisɔsɔk na le ye maatork aatuln. Baa kpa lifaal libaa Israel aatiŋ pu; baawan mɔmɔk le ye min.

Nkahm 18:7

Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Nkahm 26:62

Baah nan kahn Liifai yaab aabijabim bi nan saa uŋmal ubaa ki jer na, bi nan ti saa ŋichur moninko ni ŋitaa la. Bi nan kahn bi bibaa la, baa nan di bi kpaan Israel yaab biken chee, ba pu? baa nan yakr kitiŋ tii bi ke baah nan tii Israel yaab biken pu na.

Ikaal 10:9

Kina pu le baa nan yakr kitiŋ tii Liifai yaab aanibol ke biken na. Baah nan gaa ipiin i na le ye ke bi nan kpa nsan ke bi li ye Nidindaan Uwumbɔr aatotoorb, ke waah nan puu pu na.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 14:27

“Ni taa suln Liifai yaab bi bi nimi aatim ponn ni na bɔr, ba pu? baa kpa bibaa aakpaakon.

Ikaal 14:29

Tijikaar ngbaan le Liifai yaab, ni biwɔwɔm, ni nkpobim, ni bikpopiib bi bi nimi aatim ni na mu ga li ji. (Liifai yaab aa kpa bibaa aakpaakon.) Nima chee le bi ga dan ki nan kan baah ban tijikaar ti na. Ni li ŋani kina, nima kan, Nidindaan Uwumbɔr ga ŋa tinyoor ŋa nimi aatuln mɔmɔk pu.

Josua 13:14

Moses aa nan yakr kitiŋ tii Liifai aanibol. Uwumbɔr aah nan bui Moses pu na, Liifai yaab le nan yeh tiwan nimɔk binib nan joo toor kitork ki seer mmii ni tii Israel yaab Aadindaan Uwumbɔr na aanann ngem.

Josua 13:33

Moses aa nan tii Liifai yaab ma aanibol kitiŋ kibaa kpala. U nan tuk bi ke baawan le ga li ye ipiin i Israel yaab joo nan tii bima Israel yaab Aadindaan Uwumbɔr na, bi ga li ji ipiin ngbaan ponn ni la.

Josua 14:3

Moses nan puen yakr kitiŋ ki bi Jɔɔdann aawipuul wɔb na le tii ŋinibol ŋilee ni ligeln na. Bi nan yakr Josef aamaal nfum mulee la, Manase ni Efraim. Moses aa nan yakr kitiŋ kibaa tii Liifai aamaal aan ki li ye baatiŋ. Bi nan tee nyan ntim le tii bi ke bi li koo mu ni, ni mmopaan nin chee baawakor ga li ji na.

Josua 18:7

Mbamɔn, Liifai yaab ma kan, maan yakr kitiŋ kibaa tii bi ke nimi bi gur na aah ga kan pu na, ba pu? biyaan le ye ke bi ye Uwumbɔr aatotoorb. Gad, ni Rubenn, ni Manase aanibol ligeln bi bi Jɔɔdann Aamɔɔl aawipuul na mu kan kitiŋ ki bi liwipuul wɔb ngbaan na. Uwumbɔr aatutunn Moses le nan di ki tii bi.”

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,