Nkahm 18:2 - Uwumbɔr aagbaŋ

² Li joo ni aado yaab, bi ye Liifai yaab aanibol na, aan bi nan ter si, buyoonn aa ni aajapɔtiib ga li bi tun Maabool ni aatuln na.

Nkahm 18:2 ပူးပေါင်းရင်းမြစ်များ

Mpiin 29:34

Le u nan ki dek taataa ki ki ma ubijabo uken. U ki bui ke, “Dandana wee, maah ki ma ubijabo tatar tii nchal na kan, u ga moo joo mi mbamɔm.” Nima pu na, u nan yin u ke Liifai.

2 Bibɔrb Aabɔr 30:16

Bi nan sil sil baabuu ni, Uwumbɔr Aadichal ponn ni, Uwumbɔr aanii Moses aakaal aah nan mɔk pu na. Liifai yaab le nan joo kitork aasin tii bitotoorb, le bi joo yɔk kitork aabimbiln pu.

Esekiel 44:11

Bi ga ŋmaa li yeh Maadichal aabisamɔi, ki tun Lidichal ngbaan ponn ni aatun ŋiken ke maatutum na. Bi ga ŋmaa kɔr tiwakor ti binib joo ni bi nan toor kitork ki bi joo seer mmii ni na, ni titoor tiken, ki li ka binib aatuln pu.

Esekiel 44:15

Tidindaan Uwumbɔr nan ki len ke, “Bitotoorb bi ye Liifai aanibol ni yaab, ki ye Sadok aayaabitiib na ma nan beenin tun maatuln Maadichal ni mbamɔm, buyoonn Israel aanib bi gur na nan fenn bipuwɔb tii mi na. Kina pu na, bima le ga ŋmaa tun maatuln ki sil nnimbiin ni, ki di kitork aawakor aakpan ni nsin tii mi.

Malakai 2:4

Le ni ga bee ke min le tii nimi nkaal ngbaan, le maah puu tipuur ti tii Liifai aayaabitiib na aan bii.

Nkahm 1:53

Le Liifai yaab ma ga kal gob Libool ngbaan ki li kii li, aan nima kan, biken taa duun li, ki cha maaŋuul fii aan m bii Israel yaab.”

Nkahm 16:40

Uwumbɔr nan cha ni ye nsurm, le ki mɔk Israel yaab mɔmɔk ke unii yaa kaa nyan ni Aaronn aamaal ni kan, u taa dan kitork aabimbiln chee u nan see tulalee aayon tii u. Unii yaa ŋa kina kan, u ga kpo ke Kora ni waajab aah nan kpo pu na. Eleasar nan ŋa tiwan ngbaan mɔmɔk, Uwumbɔr aah nan bui Moses ke u cha bi ŋa ni pu na la.

Nkahm 17:7

Moses nan di ŋidabil ngbaan mɔmɔk ti bil Libool ni, Uwumbɔr Aakaal Aadakaa taab.

Nkahm 18:4

Bi ga ter si, le ki tun baatuln aah ye pu na Libool ngbaan ni. Unii u kaa ŋeer ke u tun saatuln na kan, u taa duun ni aa chee.

Nkahm 3:5

Uwumbɔr nan bui Moses ke,

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 8:19

M di Liifai yaab tii Aaronn ni ujapɔtiib, bi li ye Israel yaab aapiin tii bi, aan bi li tun Maabool ni lituln tii Israel yaab, bi li kiir Israel yaab tibɔbir ti bi yaa duun Chain Aapepel kan, bi ga kan ti na chee.”

Nkahm 8:22

Binib ngbaan nan ŋa Uwumbɔr aah nan bui Moses ke u ŋa Liifai yaab pu na. Nima pu na, Liifai yaab nan ŋeer ke bi ŋmaa tun, Aaronn ni ujapɔtiib aah tuk bi ke bi ŋa pu na.

Hiibru Yaab 9:6

Baah di tiwan nimina mɔmɔk siin kina na, le bitotoorb koo mɔb aadiik ni iwiin mɔmɔk, bi ti tun lituln tii Uwumbɔr.