Nkahm 18:13 - Uwumbɔr aagbaŋ

¹³ Nimina mɔmɔk ye sin yaan la. Saamaal ni aanii umɔk bi chain ki ŋeer na ga ŋmaa ji ni.

Nkahm 18:13 ပူးပေါင်းရင်းမြစ်များ

2 Bibɔrb 4:42

N‑yoonn muken, le uja ubaa nan nyan ni Baal Salisa aatiŋ ni, ki joo ni waajikaapɔnn aaboroboro kpin moninko, ni njikaabipɔm nan tii Elaisa. Le Elaisa bui waatutunn ke u di kina aajikaar kpiin Uwumbɔr aabɔnabtiib ngbaan,

2 Bibɔrb Aabɔr 31:5

Ubɔr aah tii limɔboln ngbaan na, libuul ngbaan ni, le binib ngbaan di baajan aajikaabim, ni ndaan, ni olif aakpan, ni tisiir, ni tisar aajikaar tiken na, ni baah kpa tiwan ni mɔmɔk, ki yakr ni kipiik kipiik ki nyan nibaabaa tii Uwumbɔr na buen.

Nnyam 22:29

“Ni li tii mi ipiin i nyan ni nimi aajikaabim, ni ŋisubil aadaan, ni olif aakpan, ni mɔmɔk aayoonn. “Ni di nimi aajan aabijabim mɔmɔk tii mi.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Nnyam 34:26

“Ni li joo ni njan aajikaar ti pue biir nimi aasar ni na, ki di dan min Uwumbɔr Aadichal ni ki nan tii mi. “Ni taa di upiih, bee uŋoob aabiin ŋaa waabo.”

Jeremia 24:2

Njan aabɔɔkuuk na nan gbii ŋikakan ŋi puir mala ki ŋan na la; le kiken na gbii ŋikakan ŋi kaa ŋan, ki bur, baan ŋmaa ŋmɔ ŋi na.

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Liifai Yaab 22:7

Nwiin yaa lir aan u fu nnyun kan, le u ga ŋa chain ki ŋmaa ji ipiin i bi chain na aatork aajikaar ti ye uyaan na.

Liifai Yaab 23:17

Mmaal mɔmɔk li joo ni ŋiboroboro kpin ŋilelee ki nan tii Uwumbɔr ipiinkpaan. Ni di n‑yon kuruwaa bilee ŋa boroboro kpiln libaabaa ki di nnyɔk ŋmal mu ni, aan ki ŋa boroboro kpin ŋilee ngbaan, ni li ye njan aajikaar aapiin i ni di tii Uwumbɔr ipiin na.

Maika 7:1

Maa kpa nsuupiin. M naahn uja u nkon joo u aan lisubil mu aa gur waasui pu, aan ndaan aasubil mu aa bi ŋaasui pu na la. Bi ker ŋisubil mɔmɔɔn ngbaan mɔmɔk a.

Ikaal 18:4

Ni di nimi aajan aajikaar tii bi, nima le ye njikaabim, ni ŋisubil aadaan, ni olif aakpan, ni ipiih aakor.

Ikaal 26:2

ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.