Nkahm 18:12 - Uwumbɔr aagbaŋ

¹² “M di tiwanyaan ni Israel yaab kan ki nyan baasar ni, ŋibin mɔmɔk ni, aan bi di tii mi na, tii si; tiwan ngbaan sɔ: olif aakpan, ni ŋisubil aadaan, ni njikaabim.

Nkahm 18:12 ပူးပေါင်းရင်းမြစ်များ

Mpiin 27:28

Uwumbɔr ga tii si limaln li nyan ni paacham na, ki cha saasaak ngbaan ŋa tijikaar sakpen. U cha aa li chee tijikaar ki li kpa ŋisubil aadaan sakpen.

2 Bibɔrb 4:42

N‑yoonn muken, le uja ubaa nan nyan ni Baal Salisa aatiŋ ni, ki joo ni waajikaapɔnn aaboroboro kpin moninko, ni njikaabipɔm nan tii Elaisa. Le Elaisa bui waatutunn ke u di kina aajikaar kpiin Uwumbɔr aabɔnabtiib ngbaan,

2 Bibɔrb Aabɔr 31:5

Ubɔr aah tii limɔboln ngbaan na, libuul ngbaan ni, le binib ngbaan di baajan aajikaabim, ni ndaan, ni olif aakpan, ni tisiir, ni tisar aajikaar tiken na, ni baah kpa tiwan ni mɔmɔk, ki yakr ni kipiik kipiik ki nyan nibaabaa tii Uwumbɔr na buen.

Ilahn 147:14

U joo saatiŋ aanaanmɔk le bidim aan ŋmaa koo ni, ki tii si njikaabim mu ŋan sakpen na le aa ji babr.

Ilahn 81:16

Le m ba ga di njikaabim mu ŋan sakpen na kpiin nimi ki cha ni ji tisiir ti bab.”

Nnyam 22:29

“Ni li tii mi ipiin i nyan ni nimi aajikaabim, ni ŋisubil aadaan, ni olif aakpan, ni mɔmɔk aayoonn. “Ni di nimi aajan aabijabim mɔmɔk tii mi.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Nnyam 34:26

“Ni li joo ni njan aajikaar ti pue biir nimi aasar ni na, ki di dan min Uwumbɔr Aadichal ni ki nan tii mi. “Ni taa di upiih, bee uŋoob aabiin ŋaa waabo.”

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Liifai Yaab 2:12

Libiln mɔk ni, ni yaa chee njan aajikaabim kan, ni ban ti ki nan tii Uwumbɔr ipiin, ni taa see tima mmii ni.

Liifai Yaab 2:14

Ni yaa ban ni tii Uwumbɔr naah chee njan aajikaabim mu na kan, ni pu mu, bee ni nan mu, aan mu ŋa n‑yon.

Liifai Yaab 23:17

Mmaal mɔmɔk li joo ni ŋiboroboro kpin ŋilelee ki nan tii Uwumbɔr ipiinkpaan. Ni di n‑yon kuruwaa bilee ŋa boroboro kpiln libaabaa ki di nnyɔk ŋmal mu ni, aan ki ŋa boroboro kpin ŋilee ngbaan, ni li ye njan aajikaar aapiin i ni di tii Uwumbɔr ipiin na.

Liifai Yaab 23:20

Le utotoor ga di boroboro ngbaan, ni ipihjabi ilee na toor ipiinkpaan aatork tii Uwumbɔr, le bitotoorb ga yoor ni ki li joo. Ipiin imina ye chain la.

Ikaal 18:3

“N‑yoonn mu ni ti di kiwakork toor kitork na kan, ni di kibook, ni mmɔkpaween, ni lipuul tii bitotoorb.

Ikaal 18:4

Ni di nimi aajan aajikaar tii bi, nima le ye njikaabim, ni ŋisubil aadaan, ni olif aakpan, ni ipiih aakor.

Ikaal 26:2

ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.

Ikaal 32:14

Le baawakor nan kpa mbiin pam; baapiih, ni iŋoob, ni inaa nan filk sakpen; bi nan kpa tijikaar ni ŋisubil aadaan ni ŋan na.