Nkahm 16:9 - Uwumbɔr aagbaŋ

⁹ ni dak ke Israel yaab Aawumbɔr aah nyan nimi binib ngbaan mɔmɔk ni, ke ni li tun tii binib ngbaan mɔmɔk, aan ki ŋmaa sil unimbiin ni, ki tun Waabool ni aatuln mɔmɔk na, naa nyaŋ aa?

Nkahm 16:9 ပူးပေါင်းရင်းမြစ်များ

Mpiin 30:15

Lea nan giin bui u ke, “Saah gaa m chee nchal pu na aa ŋeer aa? Dandana wee aa ki pɔɔni aabaa ke aa gaa njapɔɔn aasubil mu la aa?” Rachel nan bui u ke, “Aa yaa kii ki ga tii mi ŋisubil ngbaan kan, m ga di nchal tii si kinyeek kee, aa ni u doon.”

2 Samuel 7:19

Ndindaan Uwumbɔr, le aa ki bi ŋani mi ni jer kina na; aa puu tipuur n‑yaabitiib bi baa kee ma bi na pu. Ndindaan Uwumbɔr, le aa cha unibɔn kan nimina.

2 Bibɔrb Aabɔr 35:3

U nan ki di tibɔr timina le tuk Liifai yaab bi nan di bibaa tii Uwumbɔr, ki mɔk Israel aanib mɔmɔk waabɔr na ke, “Di Uwumbɔr Aakaal Aadakaa u ye chain na siin Waadichal li David aajapɔɔn, Ubɔr Solomonn maa na ni. Naan ki li chuun tu u yiini, ni tee ga li tun tii Nidindaan Uwumbɔr ni waanib Israel yaab la.

Nehemia 12:44

N‑yoonn ngbaan le bi nan ban bijab kaan kiir tidir ti bi joo tijikaar, ni tiwan niken siini na, ni baah di Uwumbɔr Aadichal aajikaar ti bi too too na di ŋa ti ponn ni na; bi nan di ukpaal mɔmɔk aah tii waajikaar aapiin i na, ni libiln mɔk aajikaabim mu puen biir na, ni ŋisubil ŋi mu puen puir na mu di kpee ti pu. Bijab ngbaan le nan ye bi ga li gaal ikpaakon i bi duun ntim mɔmɔk na, bitotoorb ni Liifai yaab aajikaar ti bi too tii bi, Nkaal aah mɔk pu na nan tii bi. Binib mɔmɔk nan kpa mpopiin bitotoorb ni Liifai yaab ngbaan pu;

Aisaya 7:13

Waah len kina na, le Aisaya giin bui u ke, “Ubɔrkpaan David aayaabitiib, li pel man, naa ŋan ke ni cha unibɔn aalaasaab nyan nimi ni, le ni ki ban ke Uwumbɔr mu aalaasaab nyan nimi ni ii?

Esekiel 34:18

Nimi nibaa aa faar yaah ŋman timonyaan ti na; hali ni taa kool ti naa ŋman na la. Ni nyu nnyun mu ŋan na, le ki taa gbir mu naa nyu na.

Esekiel 44:16

Bima baanja le ga koo Maadichal ni, ki tun lituln maatork aabimbiln taab, ki loln nsan Maadichal aadoon ni.

Nkahm 1:53

Le Liifai yaab ma ga kal gob Libool ngbaan ki li kii li, aan nima kan, biken taa duun li, ki cha maaŋuul fii aan m bii Israel yaab.”

Nkahm 16:13

Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

Nkahm 16:8

Moses nan ki len Kora chee ke, “Li pel man, nimi Liifai yaab,

Nkahm 3:6

“Li joo ni Liifai aanibol ki nan di bi tii Aaronn u ye utotoor na, bi li ter u.

Nkahm 3:9

Liifai yaab aah ga tun lituln li na le ye ke bi li tun tii Aaronn ni ujapɔtiib.

Lituln 13:2

Le bi mɔmɔk dooni Uwumbɔr ki lul bumɔb. Baah ŋani kina na, le Uwumbɔr Aafuur Nyaan tuk bi ke bi nya Banabas ni Sɔɔl bi ti tun waah siin bi lituln li na.

1 Korenti 4:3

Mma kan, nimi, bee dulnyaa ni aanib yaa ji mi tibɔr kan, ntafal aa bi ni ni. M mu aa ji mbaa tibɔr.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

1 Samuel 18:23

Le bi bui David kina, le u bui ke, “Ni ye litukpaan le ke unii li ye ubɔr aachool. M ye ugiin la, le ubaa aa lik waa mi kpala ke m li ye ubɔr aachool.”