Nkahm 16:30 - Uwumbɔr aagbaŋ

³⁰ Tɔ, Uwumbɔr yaa ŋa lijinjiir aawan, aan ki cha kitiŋ piir ki nab bi, ni baawan, aan bi mɔmɔk buen kitekpiitiŋ ki ye binifuub kan, ni ga sil bee ke bi yii Uwumbɔr la.”

Nkahm 16:30 ပူးပေါင်းရင်းမြစ်များ

Job Aagbaŋ 31:2

Uwumbɔr Mpɔɔnsakpiindaan ŋani timi ba? U teeni unibɔn aatun kinye?

Job Aagbaŋ 31:3

U joo ni tibɔbir ni libiil le nan tii binib bi tun taani na.

Ilahn 124:3

bi ba ga nan di baaŋuusakpeln li bi kpa ti pu na nab timi;

Ilahn 55:15

Cha maadim kpo aan baayoonn taa kee fuu; cha bi laa li fu ki sunn buen kitekpiitiŋ ni. Tibir bi bido, ni bisui ni la.

Aisaya 28:21

Uwumbɔr ga jan ke waah nan jan Perasim aajool pu, ni Gibeonn aafataŋ ni pu na, ke u ŋa waah ban ke u ŋa pu na; waah ga ŋa pu na aatataa ga li pɔɔ ti bee. U ga doo waatuln. U ga doo waatuln li aatataa bɔr na.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

Esekiel 31:14

Kina pu na, ki nya n‑yoonn mumina na, busub bubaa aan ki ŋmaa muun ke buma na, bee bu too ti chaar ntaalangbam ni ki ti pii kitaapaak. Hali bu yaa po kan nnyun sakpen pu na kan, bu aan fuu kina. I mɔmɔk ga kpo ke unibɔn na la, i ga buen ti kpee binib bi bi kitekpiitiŋ ni taab na pu.”

Nkahm 16:31

N‑yoonn mu u ti len tibɔr door na, le Datann ni Abiram aah si nin chee na chuu piir,

Nkahm 16:33

Kina pu na, bi nan fu, le bi ni baawan mɔmɔk lir libuul ngbaan ni, ki buen kitekpiitiŋ ni. Le kitiŋ ki gir biin bi pu, le bi wɔŋ.