Nkahm 16:26 - Uwumbɔr aagbaŋ

²⁶ Le u bui binib bi si nima chee na ke, “Siir foor bibiindam bimina chee, ki taa meeh tiwan nimɔk ye bi yaan na nibaa. Ni yaa kaa ye kina kan, ni ga kpaan kpo bi chee, baatunwanbir pu.”

Nkahm 16:26 ပူးပေါင်းရင်းမြစ်များ

Mpiin 19:17

Le bijab ngbaan ubaa bui bi ke, “Li san mala ki ŋmar man. Ni taa fenn lik nipuwɔb, ki mu taa sil nsan ni, kifataŋ kee ni. Ni li san cha ŋijoo ŋee paab, nima kan, naan kpo.”

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Nkahm 16:25

Le Moses ni Israel yaab aayidam dii buen Datann ni Abiram chee.

Matiu 10:14

Lidichal libaa aanib, bee kitiŋ kibaa aanib yaa kaa gaa nimi, ki yaa kaa kii nimi aabɔr kan, ni nyan nima ki kpaar nitaa aatatan ki lii nima.

Lituln 13:51

Le Pɔɔl ni Banabas kpaar bitaa aatatan lii nima, ni ye nsurm le ki tii bi, ki nyan ni nima, ki buen kitiŋ kibaa ni, bi yin ki ke Ikonium.

Lituln 8:20

Le Piita baa u, “Aa dak ke aa ga ŋmaa di ŋimombil daa Uwumbɔr aapiin aa? Saah dak pu na, naa ŋan. Aa ni saamombil bee fam.

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

1 Timoti 5:22

Unii yaa kaa yunn Uwumbɔr aasan ni kan, taa nyan u ke u tun Uwumbɔr aatuln. Taa cha biken aatunwanbir li ye saataani. Cha saabimbin li bi chain.

Tibɔkpiirkaan 18:4

Le m ki ŋun nneel nyan ni paacham ki len ke, “Maanib, nyan ni kitiŋ ngbaan aanib chee, ki taa kpaan tun titunwanbir bi chee, ki taa ji falaa u bi ga ji u na;