Nkahm 16:18 - Uwumbɔr aagbaŋ

¹⁸ Kina pu na, bi mɔmɔk nan ban baasambil, le ki di mmiisakɔl ni tulalee aayon ŋa ŋi ponn ni, ki sil gbaŋ Moses ni Aaronn, Uwumbɔr Aabool aabisamɔb chee.

Nkahm 16:18 ပူးပေါင်းရင်းမြစ်များ

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

Liifai Yaab 16:12

u yoor mmii aasambil ki ban kitork aabimbiln pu mmiisakɔl, ki lee tulalee aayon mu nu mɔ na iŋaal ilee, aan ki li joo ni Chain Chain Aapepel ni.

Liifai Yaab 16:13

Uwumbɔr aanimbiin ni, nima chee, u di tulalee aayon ngbaan paan mmii pu, lisambil ni, le iŋmanyuu ga fii biin Uwumbɔr Aakaal Aadakaa aabiil pu, nima kan, waan kan libiil ngbaan, ki kpo.

Nkahm 16:17

Ni mɔmɔk ubaabaa ga di waasambil li bi joo moi mmii na, ki di mmiisakɔl ni tulalee aayon ŋa ŋi ponn ni, ki di buen kitork aabimbiln chee.”

Nkahm 16:19

Le Kora kuun ni Israel yaab mɔmɔk, ki nan sil toŋ Moses ni Aaronn, Libool ngbaan aabisamɔb chee. Libuul ngbaan ni, le Uwumbɔr aawiihn mu moor lak lak na woln binib ngbaan mɔmɔk pu.

Nkahm 16:37

“Bui Aaronn aajapɔɔn Eleasar, u ye utotoor na, ke u chuu nyan mmii aasambil ŋi bi ŋinikpol ngbaan aaŋaal ni na, ki di ŋimiisakɔn mu bi ŋisambil ngbaan ponn ni na di yaa nibaa chee; ba pu? Uwumbɔr ŋa ŋisambil ngbaan chain la.

Nkahm 16:48

Ni nan cha iween ngbaan doo, le u gaar si ŋinikpol ni binib bi fu na aakaasisik ni.