Nkahm 16:14 - Uwumbɔr aagbaŋ

¹⁴ Mbamɔn, saa di timi dan kitiŋ ki kpa nkpaatanyaan na ponn ni, ki mu aa tii timi tikpaasar ni ŋisubil aasui, le aa pɔɔni aabaa ke aa ŋmann timi. Taan dan.”

Nkahm 16:14 ပူးပေါင်းရင်းမြစ်များ

Nnyam 22:5

“Unii ubaa yaa cha waawakor ŋman uken aajikaar, bee waasubil aasui kan, u di waasaak aajikaar bee waasubil aasui teen udaan ngbaan.

Nnyam 23:10

“Ŋibin ŋiloob ni, ni li ko nimi aasar ki chee naah kan pu na.

Nnyam 23:11

Libilolole ni kan, ni taa ko tisar, ki cha kitiŋ ngbaan doon ki gir nkpaatan, ki taa chee ŋidileen ni tijikaar ti mɔmɔk punn ti ponn ni na. Bigiim mu ga ŋmaa chee ti ki ji, le ipeel mu ŋmɔ ti gur na. Ni ŋa nimi aasubil aasar, ni olif aakpan aasui aasar mu kina.

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Nkahm 13:27

Bi nan bui Moses ke, “Ti mann kitiŋ ngbaan ni mɔmɔk, ki kan ke ki kpa liwangol pam, le kaakpaatan mu nyuun. Lik, taah joo ni nima chee aasubil ŋi na sɔ.

Nkahm 14:8

Ti yaa piir Uwumbɔr aasui kan, u ga di timi koo kitiŋ ngbaan ni, ki tii timi kaawangol, ni kaakpaatan mu nyuun na.

Nkahm 20:5

Ba ŋa ni nyan ni timi Ijipt aatiŋ ni, ki cha ti nan bi falaa ni do; tijikaar tibaa ga ŋmaa ŋa do oo? Njikaabim ni ŋisubil aasui aa bi kpala. Nnyun aa kpaan bi, ti nyu.”

Bibɔjirb 16:21

Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.

1 Samuel 11:2

Nahas nan gar bi ke, “Ni yaa cha m lokr nyan ni mɔmɔk aanimbigii aan ki jinn Israel yaab mɔmɔk inimɔɔn kan, ti ga ŋmaa ŋa kimɔbaan.”