Nkahm 16:13 - Uwumbɔr aagbaŋ

¹³ Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

Nkahm 16:13 ပူးပေါင်းရင်းမြစ်များ

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Nnyam 16:3

le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Nnyam 17:3

Tɔ, nnyunyuu nan joo binib ngbaan pam, le bi nan ŋulni Moses pu. Bi nan bui ke, “Ba ŋa aa nyan ni timi Ijipt aatiŋ ni, ki cha nnyunyuu ban mu ku timi, ni timi aabim, ni timi aawakor?”

Nnyam 2:14

Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Nnyam 2:23

Ŋibin pam aah jer cha na, le Ijipt aabɔr u nan dii Moses u ku u na nan kpo, le Israel yaab nan beenin bi tinaagbiir ni, le ki wii ki ban nterm. Uwumbɔr nan ŋun baah wii pu na,

Esekiel 34:18

Nimi nibaa aa faar yaah ŋman timonyaan ti na; hali ni taa kool ti naa ŋman na la. Ni nyu nnyun mu ŋan na, le ki taa gbir mu naa nyu na.

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Nkahm 11:4

Biwɔwɔm bibaa nan bi Israel yaab chee, ki dii bi cha. Bi nan cha tinann aakpeek chuu bi ni pɔɔ pam, le Israel yaab mu nan piin ki len tibɔr ti kaa ŋan na ki bui ke, “Ti yaa ba kan tinann ki ŋman kan, ni ba ŋan.

Nkahm 11:5

Ti nan ŋmɔ ijan taah gee pu na, Ijipt aatiŋ ni la, taa nan daa. Naa teer taah nan ŋmɔ lipulaajil, ni gariba, ni tigaribafar pu na aa?

Nkahm 13:27

Bi nan bui Moses ke, “Ti mann kitiŋ ngbaan ni mɔmɔk, ki kan ke ki kpa liwangol pam, le kaakpaatan mu nyuun. Lik, taah joo ni nima chee aasubil ŋi na sɔ.

Nkahm 14:2

Bi nan len Moses ni Aaronn tibɔr ti kaa ŋan na ki bui ke, “Ti yaa ba kpo Ijipt aatiŋ ni, bee nteersakpiin ni do kan, ni ba soor.

Nkahm 14:3

Ba ŋa Uwumbɔr joo timi cha kitiŋ ngbaan ni? Bi ga ku timi butɔb ni, ki chur tipuutiib ni timi aabim tinaagbiir. Ti yaa ba gir buen Ijipt aatiŋ ni kan, naa ba soor aa?”

Nkahm 16:12

Le Moses yin ni Eliab aajapɔtiib Datann ni Abiram. Le bi bui ke, “Taan dan.

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Lituln 7:35

“Tɔ, Moses le ye unii u Israel yaab nan yii u, ki bui u ke, ‘Ŋma ŋa si timi aayidaan ni ubɔjir?’ Uma le Uwumbɔr nan tun waatuun u chee, busub bu bi ke bu aah gaal mmii le na pu, u ti tuk u ke u buen ti nyan ni waanib tinaagbiir ni, ki li joo ni bi.