Nkahm 16:11 - Uwumbɔr aagbaŋ

¹¹ Aa ni saanib ngbaan aah bi galni Aaronn buyoonn na, Uwumbɔr le ni bi galni.”

Nkahm 16:11 ပူးပေါင်းရင်းမြစ်များ

1 Bibɔrb Aabɔr 26:19

Baah nan yakr lituln pu tii Kora ni Merari aataŋaal na le bi na.

Ilahn 106:16

Nteersakpiin ngbaan ni le bi nan kpa lipiipoln Moses ni Aaronn u Uwumbɔr nan lee u na pu,

Nnyam 17:2

Le bi ŋulni Moses pu ki bui ke, “Tiin timi nnyun ti nyu.” Le Moses giin kii bi ke, “Ba ŋa ni bi ŋulni? Ba ŋa ni bi tɔŋni Uwumbɔr?”

Nkahm 11:1

Israel yaab nan ki piin ki ŋulni ke bi bi falaa ni, le Uwumbɔr ŋun baah ŋulni pu na, le liŋuul chuu u, le u cha mmii sunn ni bi pu. Mu nan wun baah ka nin chee na lipepel libaa wɔb, ki bii nima chee.

Nkahm 16:12

Le Moses yin ni Eliab aajapɔtiib Datann ni Abiram. Le bi bui ke, “Taan dan.

Nkahm 16:3

Bi nan kuun sil Moses ni Aaronn chee, le ki bui bi ke, “Ni yoor nibaa paacham ki ti chaar jer a. Uwumbɔr le yeh binib ngbaan mɔmɔk, le ki bi ti mɔmɔk ubaabaa chee. Nima pu na, ba ŋa si Moses dak ke aa ŋan jer Uwumbɔr aanib ngbaan mɔmɔk, aan ki yoor aabaa paacham sakpen kina?”

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Jɔnn 13:20

M tuk nimi mbamɔn la, unii yaa gaa maah ga tun unii u na, u gaa mi le na. Unii yaa gaa mi kan, u gaa Uwumbɔr u tun ni mi na le na.”

Lituln 5:4

Kisaak ngbaan aah nan bi aa chee na, ki nan ye siyaan la. Saah kooh ki na, ŋimombil ngbaan mu ye siyee la. Ba ŋa aa dak aasui ni ke aa ga ŋa kina? Saa mɔn nnyamɔn ki tuk binib baanja. Uwumbɔr le aa mɔn nnyamɔn tuk u.”

Rom Yaab 13:2

Nima pu na, unii yaa yii waatiŋ aayidam kan, u yii Uwumbɔr aah siin pu na la. Binib bi yii bi na ga kan ntafadaan.

1 Korenti 10:10

Ni mu taa ŋulni ke bi ponn ni bibaa aah nan ŋulni pu ki cha Uwumbɔr aakun aatuun ku bi na.

1 Korenti 3:5

Ŋma ye Apolos? Ŋma ye Pɔɔl? Ti po ye Uwumbɔr aatutum bi ter nimi ke ni gaa Yesu ki kii na la. Ti mɔmɔk tun lituln li Uwumbɔr tii timi ke ti tun na la.

Juud 1:16

Bibiindam ngbaan ŋulni n‑yoonn mɔmɔk; tiwan nibaa aa mɔ bi chee. Bi dii tiwan ni kaa ŋan na aakpeek, ki len mpɔɔn pu ki kpa kipupuk, ki pak biwankpadam, ŋimombil pu.

1 Samuel 8:7

le Uwumbɔr bui u ke, “Ŋun binib ngbaan aah len pu na mɔmɔk. Naa ye sin le bi yii, min le bi yii ke maa ye baabɔr.