Nkahm 15:9 - Uwumbɔr aagbaŋ

⁹ ni li joo ni njikaabim aapiin mu, n‑yon kuruwaa bitaa, ki di olif aakpan kpalba bilee ki di buun mu,

Nkahm 15:9 ပူးပေါင်းရင်းမြစ်များ

1 Bibɔrb Aabɔr 21:23

Le Arauna bui u ke, “Mpɔɔndaan, m di li tii si ke aa di ŋa saah ban pu na. Aa ga ŋmaa di inaa imina see mmii ni, kitork aabimbiln ngbaan pu, ki di ŋidabil ŋimina tuur mmii. Idi mu sɔ, aa di tii ipiin. M di ni mɔmɔk tii si la.”

Nehemia 10:33

Uwumbɔr Aadichal ponn ni aadoon pu, ti ga tii tiwan nimina: boroboro u bi joo tii Uwumbɔr na, ni iwiin mɔmɔk aajikaabim aapiin, ni tiwakor ti bi ga di toor kitork ki see mmii ponn ni na, ni Ŋikpaakoo daal aatork ki bi chain na, ni Uŋmapɔɔn daal aatork aajim, ni njim mu gur na, ni ntoorm mɔmɔk mu gur ki bi chain na, ni kitork ki bi toor Israel yaab aatunwanbir pu na pu, ki kpee tiwan nimɔk bi ban Uwumbɔr Aadichal ponn ni na.

Esekiel 42:13

Uja ngbaan nan bui mi ke, “Ŋidichal ŋilee ŋee mɔmɔk ye chain la. Ŋima ponn ni le bitotoorb bi chaa Uwumbɔr aanimbiin ni na ji chain chain aatork aajikaar. Tidir ngbaan aah bi chain na, nima chee le bitotoorb ga di chain chain aapiin, i ye njikaabim aatork, ni titunwanbir aatork, bee lipɔln aateem aatork na siin.

Esekiel 46:11

Njim ni kitork aawiin daal kan, njikaabim kuruwaa biniin le ga kpee unaaja bee upihja mɔk pu, le unii u ban kitork ngbaan na ga ŋmaa ban waah gee tiwan ni mɔk na kpee upihbo mɔk pu. Nkpan kpalba bitaa le ga kpee kina aajikaabim aatork pu.

Esekiel 46:15

Ni li joo upihbo, ni n‑yon, ni nkpan ngbaan toor kitork tii min Uwumbɔr, kichakpiik mɔk ni, ki cha n‑yoonn mɔmɔk.”

Esekiel 46:5

U ga di njikaabim kuruwaa biniin kpee upihja mɔk pu, ki di waah gee tiwan ni mɔk na kpee upihbo mɔk pu. U ga di nkpan kpalba bitaa kpee kina aajikaabim aatork mɔk pu.

Esekiel 46:7

U ga di njikaabim kuruwaa biniin le kpee unaaja, ni upihja mɔk pu, ki di waah gee tiwan ni mɔk na kpee upihbo mɔk pu. U ga di nkpan kpalba bitaa kpee kina aajikaabim aatork pu.

Joel 1:9

Njikaabim ni ndaan aa bi ti di tii ipiin Uwumbɔr Aadichal ni; Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Liifai Yaab 14:10

Winiin daal kan, u li joo ni ipihjabi ilee, ni upihsal, timɔk li ye libiln libaa aawakor ti ŋan na, ni boroboro aayon mu olif aakpan ŋmal mu ponn ni na kuruwaa bitaa, ni olif aakpan likpalbageln.

Liifai Yaab 6:14

Naah ga li dii pu ki tii njikaabim aapiin na aakaal le na: Aaronn aajapɔtiib le ga li joo njikaabim aapiin aatork tii Uwumbɔr ipiin, kitork aabimbiln taab.

Liifai Yaab 7:37

Kitork ki bi joo seer mmii ni na aapiin, ni njikaabim aatork, ni titunwanbir aatork, ni lipɔln aatork, ni bitotoorb aakaan aatork, ni kimɔbaan aatork aakaal le na.

Nkahm 15:10

ki kpee ŋisubil aadaan kpalba bilee. Kitork ngbaan nu mɔ, min Uwumbɔr chee.

Nkahm 15:8

N‑yoonn mu ni ti joo unaaja ke ni toor kitork tii min Uwumbɔr na kan, ni yaa ye mmii ni aatork, bee ni yaa ban ni giin tipuur, bee ni yaa ye kimɔbaan aatork kan,

Nkahm 28:12

Ni ki di boroboro aayon ni olif aakpan buun ŋmal tɔb ni, ni li ye njikaabim aatork, ki di kpee tiwakor ngbaan pu: ni di n‑yon kuruwaa bitaa kpee unaaja mɔmɔk pu; ki di n‑yon kuruwaa bilee kpee upihja ngbaan pu;

Nkahm 28:14

Ŋisubil aadaan mu ni ga di kpee kitork ngbaan pu na sɔ: ni ban ŋisubil aadaan kpalba bilee ki di kpee unaaja ubaabaa pu, ki ban ŋisubil aadaan kpalba ubaa ni ligeln ki di kpee upihja ngbaan pu, ki ban ŋisubil aadaan kpalba ubaa ki di kpee upihjabo ubaabaa pu. Libiln ni, iŋmal mɔmɔk, njan aawiin daal kan, ni toor kina aapiin aatork ki di see mmii ni tii Uwumbɔr.

Nkahm 29:6

Ni toor kina aatork ki kpee uŋmal mɔmɔk aajan aawiin aatork, ni iwiin mɔmɔk aatork ki ni joo seer mmii ni na, ni njikaabim aatork ni ŋisubil aadaan aatork na pu, ki tii Uwumbɔr. Tijikaar aatork kina aaboln nu mɔ Uwumbɔr chee.

1 Samuel 1:24

Waah nan giin u libiil na, le u di u buen Silo, ki joo ŋibin ŋitaa aanaaja, ni n‑yon kuruwaa kipiik, ni ŋisubil aadaan lidabuul libaa. Samuel nan laa par, le u di u buen Silo, Uwumbɔr Aadichal ponn ni.