Nkahm 15:30 - Uwumbɔr aagbaŋ

³⁰ Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Nkahm 15:30 ပူးပေါင်းရင်းမြစ်များ

Mpiin 17:14

Uja yaa kaa gii uchakpaln kan, m ga yakr u maanib chee, ba pu? ni mɔk ke u bii taah nan ŋa kimɔbaan ki na.”

Job Aagbaŋ 38:15

Nwiin pu aawiihn wiin sakpen bibiindam chee ki cha baa ŋmaa tun mbiin aatun.

Ilahn 19:13

ki ki nyan mi titunwanbir ti m nyi ki tun ti na ni; taa cha ti li kpa mpɔɔn m pu, aan m li ŋan chain ki taa li kpa titunwanbir tibaa.

Ilahn 69:9

Maah neen saadichal pu na bi ke mmii le aah wu mponn ni na; ŋisiibil ŋi ye sin yee na choo min chee la.

Ilahn 74:18

Uwumbɔr, teer ke saadim laa si, li nyi ke baa dii si, le ki lik si fam.

Ilahn 74:22

Uwumbɔr, fii sil ki len saabɔr. Teer ke binib bi kaa dii si na laa si le nwiin ti lir.

Ilahn 79:12

Uwumbɔr, pa ŋitimbol ŋi seei si ŋisiibil mɔmɔk aabɔŋ na nfum mulole pu baah seei si pu na.

Ilahn 89:51

Uwumbɔr, saadim seei saah lee ubɔr u na. Bi seei u waah cha nin chee mɔmɔk na la.

Nnyam 21:14

Tɔ, unii aaŋuul yaa fii, le u nyi ki ku uŋeen aatɔ kan, bi ku u mu, hali u yaa san buen maatork aabimbiln chee ke u ŋmar kan, ni ku u.

Nnyam 30:33

Unii ubaa yaa ŋa nkpan ngbaan aaboln, bee u yaa di mu ki di meen unii u kaa ye utotoor na kan, waan ki li ye maanii.’”

Ŋiyataŋak 14:31

Aa yaa muk bigiim kan, aa seei Uwumbɔr u naan bi na la; aa yaa ŋa ugiin tiŋann kan, aa nyuŋni Uwumbɔr la.

Esekiel 20:27

“Tɔ, unibɔn, tuk Israel yaab ngbaan min Bidindaan Uwumbɔr aah tuk bi pu na. Bitetiib aah nan yii maasan ki sii mi na sɔ:

Liifai Yaab 20:10

Ubaa yaa koo ti doon uŋeen aatɔ Israel aanii uken aapuu chee kan, ni kpaan ki ku uja ni upii ngbaan mɔk bilee.

Liifai Yaab 20:3

Ubaa yaa di waabo toor kitork tii Liwaal Molek ki bii Maabool, aan laa ki bi chain, ki jinn maayimbil li bi chain na inimɔɔn kan, m ga daa utafal; waan ki li ye maanib ponn ni ubaa.

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Nkahm 15:29

Unii umɔk kaa nyi ki tun titunwanbir na kan, u ga ŋa kina la. U yaa ye Israel aatimbo, bee uwɔwɔnii kan, bi mɔmɔk ga ŋa kina la.

Nkahm 9:13

Tɔ, unii umɔk bi linampal, kaa buen nsan, ki mu bi chain, ki yii kaa jin Lakr‑jer aajim ngbaan na kan, u li nyi ke waa ki ye maanii, ba pu? buyoonn ni ŋeer ke u tii mi ipiin na, waa ŋa kina, le u ga ji falaa kina pu.

Matiu 12:32

Unii yaa bii min Unibɔn Aabo kan, Uwumbɔr ga di cha pinn u. Unii yaa bii Uwumbɔr Aafuur Nyaan kan, Uwumbɔr aan di cha pinn u dulnyaa wee ni, kaan di cha pinn u paacham mu.”

Ikaal 1:43

M tuk nimi Uwumbɔr aah len pu na, le naa gar mi. Ni yii waamɔb, le nimi aagaak pu, ni buen ti lir ŋigongon aatiŋ aanib ngbaan pu.

Ikaal 32:27

Tɔ, maan tee cha baadim li kpa kipupuk, ki bui ke bima le nyaŋ maanib, m mu le daa bitafal kina.’

Hiibru Yaab 10:26

Tɔ, unii yaa gaa Uwumbɔr aabɔr ki nyi waah ban pu na, ki yaa ki yii ki tun titunwanbir kigaak pu kan, kitork kibaa aa ki bi ki ga cha Uwumbɔr di cha pinn u.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

2 Piita 2:10

Binib bi dii tiwon aah ban pu na, ki gɔr kidagook, kaa kii unii ubaa aamɔb na, Uwumbɔr ga daa bitafal ki jer waah ga daa biken aatafal pu na. Biŋmaŋmannim bi bi ni ponn ni na aatafal pɔɔ la. Baa san unii ubaa. Bi seei Uwumbɔr aatuuntiib, kaa san ijawaan.

1 Jɔnn 5:16

Unii yaa kan una aabo tun titunwanbir ti kaan cha u kpo na kan, u ga mee Uwumbɔr tii u. Le Uwumbɔr ga tii u limɔfal. Binib bi tun titunwanbir ti kaan cha bi kpo na, Uwumbɔr ga tii bi limɔfal. Le titunwanbir ti cha binib kpo na mu bi. Maa len ke ni li mee Uwumbɔr tii binib bi tun titunwanbir ngbaan na.

1 Samuel 2:25

Unibɔn yaa tun uŋeen aatɔ taani kan, nibaakan Uwumbɔr ga san u kinimbaak, tɔ, ŋma ga ter unii u tun Uwumbɔr titunwanbir na?” Le baa pel bite aah len pu na, ba pu? Uwumbɔr nan siin ke u ku bi.

1 Samuel 3:14

Kina pu na, min le bui Eli ni waadichal ke kitork bee ipiin ibaa aa bi ki ga ŋmaa nyan titunwanbir timina aatafadaan.”