Nkahm 15:3 - Uwumbɔr aagbaŋ

³ Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Nkahm 15:3 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Esra 7:17

“Aa taa ji ŋimombil ngbaan yɔl yɔl, aa di ŋi daa inaaja, ni ipihja, ni ipihbi, ni njikaabim, ni ŋisubil aadaan, ki di ni toor kitork, Uwumbɔr Aadichal aatork aabimbiln pu, Jerusalem ni.

Ilahn 54:6

Uwumbɔr, m ga di mpopiin le toor kitork tii si, saah ŋan pu na le ga cha m li dooni si.

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Nnyam 29:25

aan aa ki gaa ti bi chee, ki di paan kitork ki bi kitork aabimbiln na paab ki see ti mmii, ni li ye tijikaar aatork aapiin tii mi. Kitork ngbaan aapiin aabaan nu mɔ m chee.

Nnyam 29:41

Kijook kan, ni di upiih uken na toor kitork, aan ki ban boroboro aayon, ni nkpan, ni ŋisubil aadaan, ki ŋa ke naah ba ŋa kichakpiik ni pu na. Ni yaa ŋa kina kan, ni ye tijikaar aatork aapiin le ki tii min Uwumbɔr, le naabaan nu mɔ m chee.

Liifai Yaab 10:13

Ni ŋmɔ u chain aapepel ni; tijikaar aapiin ngbaan ye tijikaar ti bi di tii Uwumbɔr aan u mu di tii nimi na la. Uwumbɔr aah tuk mi pu na le na.

Liifai Yaab 27:2

ke u di mɔk Israel yaab. Ni yaa di unibɔn le pan tii Uwumbɔr ni giin tipuur kpaan aapɔln kan, ni ga ŋmaa pa ŋimombil ŋi aabɔr paa na ki gaa udaan lii.

Liifai Yaab 7:16

Unii yaa nan puu tipuur le ki giin ti, bee u yaa tii ipiin ubaa aageehn pu, le tinann yaa gur ki woln kitaak kan, ni li ŋmɔ man.

Nkahm 28:27

Ni di tiwakor timina toor kitork ki di see mmii ni tii Uwumbɔr, kina aatork nu mɔ u chee: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan chain.

Nkahm 29:8

Ni toor kitork ki di see mmii ni, tii Uwumbɔr; kina aatork nu mɔ u chee: ni di unaajabo ubaa, ni upihja ubaa, ni libiln libaa aapihjabi ilole, i mɔmɔk taa li kpa iween, ki li ŋan chain,

Nkahm 6:15

ki kpee na, u ga ban ni boroboro u gbei ki ŋmar olif aakpan, kaa kpa boroboro aanyɔk na kibɔɔkuuk kibaa, ni maab u bi di olif aakpan ŋmir u na; ki kpee njikaabim ni ŋisubil aadaan pu.

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

2 Korenti 2:15

Ti mu bi Uwumbɔr chee ke tulalee aayon mu nu mɔ na la; ba pu? Kristo bi tisui ni. Binib bi ŋmar na ŋun waah nu mɔ pu na, ki kan limɔfal; ba pu? bi gaa u ki kii. Binib bi kaa ŋmar na mu ŋun ki kan nkun; ba pu? baa gaa u ki kii. Ubaa ga ŋmaa tun Uwumbɔr aatuln ubaa pu uu? Aayii.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:17

Tiwan nimɔk ni di toor kitork tii Uwumbɔr na kan, ni taa ji tiwan ngbaan linampal: naah ga nyan nimi aajikaabim, ni ŋisubil aadaan, ni olif aakpan kipiik ponn ni nibaa ni tii Uwumbɔr na, ni nimi aawakor aajan aabim, ni naah puu tipuur ke ni ga tii Uwumbɔr ipiin i na, ni nimi aageehn aapiin, ni ipiin iken na aapar, ni taa ji ni linampal.

Ikaal 12:6

Nima chee le ni ga toor nimi aatoor ti ni ga li joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni nimi aapiin, ni ni yaa puu Uwumbɔr tipuur kan, naah ga pa pu na, ni nibaa aageehn aapiin, ni nimi aawakor aajan aabim aapar.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.