Nkahm 15:29 - Uwumbɔr aagbaŋ

²⁹ Unii umɔk kaa nyi ki tun titunwanbir na kan, u ga ŋa kina la. U yaa ye Israel aatimbo, bee uwɔwɔnii kan, bi mɔmɔk ga ŋa kina la.

Nkahm 15:29 ပူးပေါင်းရင်းမြစ်များ

1 Bibɔrb 8:41

“Uwɔwɔnja u bi kitiŋ ki daa na ni yaa ŋun saah kpa liyimbil pu na, ni saah tun ŋitukpaan ŋi tii saanib na, ki dan nan doon si, ki mee si Saadichal limina ponn ni kan,

Nnyam 12:49

Ni ye kina le ki tii nimi Israel aatimbim, ni biwɔwɔm bi bi ni chee na mu.”

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 17:15

Israel aanii, bee uwɔwɔnja umɔk jin kiwakork ki kpo kibaa pu, bee upeel yaa chuu kiwakork ki ki ŋman gur na kan, udaan finn waawanpeenkaan ki fu nnyun, ki li kii kijook wɔb aan ki nin ŋa chain.

Liifai Yaab 4:2

ke u tuk Israel yaab ke ubaa yaa kaa nyi ki peln bii Uwumbɔr aakaal kan, waah ga ŋa pu na sɔ:

Nkahm 15:15

N‑yoonn mɔmɔk kan, ni ni biwɔwɔm mɔmɔk li ŋani kina. Ni ni biwɔwɔm ngbaan mɔmɔk ye tiwanbaan le Uwumbɔr chee.

Nkahm 15:28

Kitork aabimbiln pu, le utotoor ga ŋa kina aatork ki nyan unii ngbaan waatunwanbir ni ki ŋa u chain, le u kan chapinn.

Nkahm 15:30

Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Nkahm 9:14

“Uwɔwɔnja u koo ni chee na mu yaa ban u ji Lakr‑jer aajim ngbaan kan, see u dii mu aakaal aah mɔk pu na mɔmɔk. Utinbo ni uwɔwɔnja mɔmɔk ga dii nkaalbaan la.”

Tibɔnyaan ti Luk ŋmee ti na 12:48

Ututunn u kaa nyi udindaan aah ban pu na, ki tun lituln li ŋeer ŋinaalab aagbaan na kan, bi ga gbaa u siib la. Uwumbɔr yaa tii unii nlan sakpen kan, u ga li ban ke u di nlan ngbaan tun litunyaan jer biken. Uwumbɔr yaa tii unii tininkpir kan, u ga li ban ke udaan ngbaan tun ki jer biken aah tun pu na.”

Josua 8:33

Le Israel yaab, ni baaninkpiib, ni baayidam, ni baabɔjirb, ki kpee biwɔwɔm bi nan bi bi chee na, nan sil Uwumbɔr Aakaal Aadakaa aapepel mɔmɔk ŋilee pu, ki lik bitotoorb bi nan si tu Dakaa ngbaan na. Ligeln libaa nan si, le bipuwɔb kpaa Gerisim Aajool wɔb, le ligeln liken mu aanib si, bipuwɔb kpaa Ebal Aajool wɔb. Uwumbɔr aatutunn Moses le nan bui bi ke n‑yoonn yaa nan ŋeer bi gaa Uwumbɔr aanyoor kan, bi ŋa kina.