Nkahm 15:20 - Uwumbɔr aagbaŋ

²⁰ Ni yaa ken maab kan, ni di njan aamaab u ni di njikaabipɔm aayon ŋa u na, di tii Uwumbɔr, ni ye ipiinkpaan le u chee. Naah poi njikaabipɔm ki tii Uwumbɔr ipiin pu na, ni li tii njan aamaab mu kina.

Nkahm 15:20 ပူးပေါင်းရင်းမြစ်များ

Nehemia 10:37

Libiln mɔk ponn ni kan, ti ga di taah puen chee njikaabim mu na aayon, ni ŋisubil aadaan, ni olif aakpan, ni ŋisubil mɔmɔk aapiin buen bitotoorb chee Uwumbɔr Aadichal ponn ni aan bi di tii Uwumbɔr, Nkaal aah mɔk pu na. Ti ga di ni ye Uwumbɔr yaan ki nyan ni timi aasar mu ponn ni na ki di tii Liifai yaab bi gaal kina aawan itingbaan ponn ni na.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Nnyam 34:26

“Ni li joo ni njan aajikaar ti pue biir nimi aasar ni na, ki di dan min Uwumbɔr Aadichal ni ki nan tii mi. “Ni taa di upiih, bee uŋoob aabiin ŋaa waabo.”

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Liifai Yaab 2:12

Libiln mɔk ni, ni yaa chee njan aajikaabim kan, ni ban ti ki nan tii Uwumbɔr ipiin, ni taa see tima mmii ni.

Liifai Yaab 2:14

Ni yaa ban ni tii Uwumbɔr naah chee njan aajikaabim mu na kan, ni pu mu, bee ni nan mu, aan mu ŋa n‑yon.

Liifai Yaab 23:20

Le utotoor ga di boroboro ngbaan, ni ipihjabi ilee na toor ipiinkpaan aatork tii Uwumbɔr, le bitotoorb ga yoor ni ki li joo. Ipiin imina ye chain la.

Nkahm 15:21

N‑yoonn mumɔk paa ni na, ni li tii Uwumbɔr njan aamaab u ni ken na kina cha.

Nkahm 18:12

“M di tiwanyaan ni Israel yaab kan ki nyan baasar ni, ŋibin mɔmɔk ni, aan bi di tii mi na, tii si; tiwan ngbaan sɔ: olif aakpan, ni ŋisubil aadaan, ni njikaabim.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Rom Yaab 11:16

Tɔ, bi yaa di njan aaboroboro tii Uwumbɔr kan, ni mɔk ke boroboro umɔk gur na mu ye uyoo la. Bi yaa di busub aanyaan tii Uwumbɔr kan, ni mɔk ke ibon mu ye uyaan la.

1 Korenti 15:20

Tɔ, ni ye mbamɔn la, Uwumbɔr sil fikr Kristo nkun ni. Uma le ye njan aanii u puen fikr nkun ni na, le ki mɔk ke binib bimɔk kpo na mu ga nan fikr nkun ni.

Ikaal 14:22

“Ni yaa kon ki chee nimi aajikaar kan, ni faa ti ŋikpuk kipiik, kipiik, ki ti nyan tibaa kipiik mɔmɔk ponn ni, libiln mɔmɔk ponn ni.

Ikaal 14:23

Ni yaa nyan ti ki di kpaan kan, ni di buen Nidindaan Uwumbɔr aah nyan nin chee ke ni li dooni u na, ki ti ji naah nyan njikaabim, ni ŋisubil aadaan, ni olif aakpan, ni nimi aawakor aajan aabim aajim, unimbiin ni. Ni ŋa kina aan ki li nyuŋni Nidindaan Uwumbɔr n‑yoonn mɔmɔk.

Ikaal 16:13

“N‑yoonn mu ni ti poi nimi aajikaabim ki nyan ŋisubil aanyun doo na aapuwɔb, ni toor Tikakar Aajim aatork mu iwiin ilole.

Jemisi 1:18

U tii timi waabɔr ti ye mbamɔn na, ki ŋa timi waabim. Waageehn le na. U ban ke ti jer waah naan tiwan ni mɔmɔk na.

Tibɔkpiirkaan 14:4

Bima le ye binib bi kaa doon bipiib chee kaa ŋa bibaa tijɔŋ. Baa nyi bipiib. Bima le dii Upihbo ngbaan waah cha nin chee na mɔmɔk. Uwumbɔr nyan bi binib ponn ni ki daa bi, bi li ye u ni Upihbo ngbaan aanib.