Nkahm 15:15 - Uwumbɔr aagbaŋ

¹⁵ N‑yoonn mɔmɔk kan, ni ni biwɔwɔm mɔmɔk li ŋani kina. Ni ni biwɔwɔm ngbaan mɔmɔk ye tiwanbaan le Uwumbɔr chee.

Nkahm 15:15 ပူးပေါင်းရင်းမြစ်များ

Esta 9:27

le Juu yaab nan cha ni ŋa baakaal, ni biyaabitiib aakaal, ni unii umɔk kpaln Juu aanii na aakaal ke n‑yoonn ngbaan yaa nan fuu ni libiln mɔk ni kan, iwiin ilee ngbaan ga li ye lifuur ni njim aawiin ke Modekai aah nan mɔk bi pu na la.

Nnyam 12:14

N‑yoonn mɔmɔk kan, ni pɔɔn nibaa ki li ji njim mue, aan ki li teer min Uwumbɔr aah ŋa pu na pu. Ni li ŋani kina n‑yoonn mu mɔmɔk choo na ni.”

Nnyam 12:24

Ni ni nimi aabim li joo nkaal ngbaan tiŋann ki cha n‑yoonn mu kaa kpa ndoon na.

Nnyam 12:43

Uwumbɔr nan bui Moses ni Aaronn ke, “Naah ga li joo Lakr‑jer aajim pu na sɔ: Biwɔwɔm taa kpaan ji Lakr‑jer aajikaar ni chee,

Nnyam 12:49

Ni ye kina le ki tii nimi Israel aatimbim, ni biwɔwɔm bi bi ni chee na mu.”

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Liifai Yaab 24:22

Ikaal ngbaan joo ni mɔmɔk la. I joo nimi Israel yaab, ni biwɔwɔm bimɔk koo ni chee na la, ba pu? min le ye Nidindaan Uwumbɔr.”

Nkahm 10:8

Aaronn ni ujapɔtiib bi ye bitotoorb na le ga li pii kakaan tiib ngbaan. “Ni li joo ikaal i paa ni na n‑yoonn mɔmɔk.

Nkahm 15:14

Uwɔwɔnii umɔk bi ni chee, ki ga yunn, bee waan yunn, ki yaa ban u toor kina aatork kan, u mu ŋa kina. Kitork ngbaan nu mɔ, min Uwumbɔr chee.

Nkahm 15:29

Unii umɔk kaa nyi ki tun titunwanbir na kan, u ga ŋa kina la. U yaa ye Israel aatimbo, bee uwɔwɔnii kan, bi mɔmɔk ga ŋa kina la.

Nkahm 18:8

Uwumbɔr nan ki bui Aaronn ke, “Teer ke m di ipiinkpaan i bi di toor kitork tii mi kaa di see mmii ni na tii si la. M di i tii sin ni aayaabitiib, aan i li ye nimi aawan ki cha n‑yoonn mu kaa kpa ndoon na la.

Nkahm 9:14

“Uwɔwɔnja u koo ni chee na mu yaa ban u ji Lakr‑jer aajim ngbaan kan, see u dii mu aakaal aah mɔk pu na mɔmɔk. Utinbo ni uwɔwɔnja mɔmɔk ga dii nkaalbaan la.”

Galantiya 3:28

Naah kpaan Yesu Kristo ni na, ni mɔmɔk ye unibaan la. Juu yaab ni binib bi kaa ye Juu yaab na, ni binaagbiib ni mmaal aabim, ni bijab ni bipiib, ni mɔmɔk ye unibaan la.

Kolosiya 3:11

Naah kpa mbimbipɔm na, naa ki yakr Juu yaab, ni binib bi kaa ye Juu yaab na, ni binib bi gii ŋichakpan na, ni binib bi kaa gii na, ni biwɔwɔm, ni timoor ni aanib, ni binaagbiib, ni bimalb. Ni mɔmɔk kpaan la. Kristo le jer tiwan ngbaan mɔmɔk, ki bi waanib mɔmɔk ni.

Josua 8:33

Le Israel yaab, ni baaninkpiib, ni baayidam, ni baabɔjirb, ki kpee biwɔwɔm bi nan bi bi chee na, nan sil Uwumbɔr Aakaal Aadakaa aapepel mɔmɔk ŋilee pu, ki lik bitotoorb bi nan si tu Dakaa ngbaan na. Ligeln libaa nan si, le bipuwɔb kpaa Gerisim Aajool wɔb, le ligeln liken mu aanib si, bipuwɔb kpaa Ebal Aajool wɔb. Uwumbɔr aatutunn Moses le nan bui bi ke n‑yoonn yaa nan ŋeer bi gaa Uwumbɔr aanyoor kan, bi ŋa kina.

1 Samuel 30:25

David nan ŋa nimina nkaal, le Israel yaab mɔmɔk dii mu ki nan saa din.