Nkahm 14:9 - Uwumbɔr aagbaŋ

⁹ Taa yii Uwumbɔr man, ki mu taa san binib bi koo nima chee na ijawaan. Ti ga ŋmaa nyaŋ bi, naan li pɔɔ. Uwumbɔr bi ti chee, le ki nyaŋ baawaa ŋi kii bi na; nima pu na, taa san ijawaan man.”

Nkahm 14:9 ပူးပေါင်းရင်းမြစ်များ

Mpiin 48:21

Le Jakob bui Josef ke, “Aa kan aa? Naan ki yunn m ga kpo; Uwumbɔr mu le ga li bi ni chee ki giin nimi buen niyaajatiib aatiŋ ni.

2 Bibɔrb Aabɔr 13:12

Uwumbɔr ubaa le ye timi aasaloln, le waatotoorb bi do, ki gor ke bi pii ikpiin aan ti to nimi butɔb. Israel aanib, taa tak niyaajatiib Aadindaan Uwumbɔr. Naan ŋmaa nyaŋ u.”

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

2 Bibɔrb Aabɔr 32:8

U kpa unibɔn aapɔɔn la, le tima kpa Tidindaan Uwumbɔr u ga ter timi aan ki to butɔb tii timi na.” Binib ngbaan nan kan ntaakpapɔɔn baabɔr aah len pu na chee.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Ilahn 106:24

Le bi nan yii mmɔɔn aatiŋ; ba pu? baa nan pak ke Uwumbɔr ga ŋa waah puu tipuur ti na.

Ilahn 121:5

Uwumbɔr ga li kii si, u si gbɔk si ke u li kii si la.

Ilahn 14:4

Le Uwumbɔr baa ke, “Baa nyi la aa? Titunwanbirdam ngbaan mɔmɔk ye binib bi kaa nyi na la aa? Bi su maanib kinaayuk le ki joo kpiini bibaa, kaa mee mi.”

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:8

Dan nan lik man Uwumbɔr aah ŋa tiwan ni na. Lik man waah ŋa lijinjiir aawan ni kitiŋ pu na.

Ilahn 74:14

aa wii nnyusakpem ponn ni aapɔɔndaan aayil, ki cha nteersakpiin ponn ni aapeel ŋman waawon.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 33:16

Aa yaa kaa dii timi buen kan, ni ga ŋa kinye aan unii bee ke aasui piin m ni saanib pu? Saah bi ti chee pu na le ga cha ti ni biken aabimbin taa li kpaa dulnyaa wee ni.”

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 63:10

le bi nan yii u ki nyan upuwɔb, le ni tii Waafuur Nyaan mpombiin. Kina pu le Uwumbɔr kpaln baadin, le ki jan bi kijaak.

Jeremia 42:11

Taa ki san Babiloŋ yaab aabɔr ijawaan. M bi ni chee, ki ga nyan nimi waapɔɔn ni.

Jeremia 48:45

Bikusam bi kaa kpa nterm na pɔɔni bibaa ke bi ti kan nterm Hesbonn aatiŋ ki Ubɔr Sihonn nan joo ki na ni, tɔ, ki mu gaa mmii a. Mmii wun Moab aanib bi gee butɔb sakpen na aanaanmɔk ni kaajoo paab.

Daniel 9:5

“Ti tun titunwanbir, ki ŋa tiwan ni kaa ŋan na. Ti yii saah len ke ti ŋa pu na, ki fenn tipuwɔb tii tiwan ni aa mɔk ke ni ŋan na.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Nkahm 13:30

Kaleb nan bui binib bi nan bi len Moses chee tibɔr ti kaa ŋan na ke bi ŋmin chii, le ki bui bi ke, “Cha ti buen ti tak kitiŋ ngbaan yaab ki gaa ki, ti kpa mpɔɔn ki ŋeer ti nyaŋ bi ki gaa kitiŋ ngbaan.”

Nkahm 17:6

Nima na Moses nan tuk Israel yaab, le baayidam mɔmɔk di baadabil tii u, ŋi nan ye kipiik ni ŋilee la, le ŋinibol ngbaan nan kpa libaabaa. Aaronn aadabil mu nan bi ŋi ponn ni.

Nkahm 20:2

Baah nan kal nin chee na, nnyun aa nan bi nima, kina pu na, binib ngbaan nan kuun gob Moses ni Aaronn,

Nkahm 24:8

Uwumbɔr le nyan ni bi Ijipt aatiŋ ni. U jaa bi pu ke upɔɔnaaja aah jaa ubaa pu pu na, le bi kuln baadim mɔmɔk, ki wii baakpab, ni baapiin yuk yuk.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 1:26

“Le ni yii Nidindaan Uwumbɔr aamɔb, kaa kii ke ni koo kitiŋ ngbaan ni.

Ikaal 1:29

“M nan bui nimi ke, ‘Ni taa li san binib ngbaan ijawaan.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Ikaal 32:42

Maapiin ga kpaln baasin ŋmeen la, le m di maajuk ku binib bimɔk kpak mi na. Maan di cha binib bimɔk tak mi na ubaa, hali binib bi kan titotonn na, ni binib bi bi chur bi na mɔmɔk ga kpoi.’

Ikaal 7:18

Ni taa li san ŋi ijawaan. Ni teer Nidindaan Uwumbɔr aah nan ŋa Ijipt yaab aabɔr, ni waanib mɔmɔk pu na.

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.

Ikaal 9:7

“Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.

Filipi 1:27

Tibɔkpaan le ye ke nimi aabimbin li bi Kristo aabɔnyaan tee aah mɔk nimi pu na, aan m yaa dan nan mann nimi, bee m yaa kaa dan kan, m ga ŋun nimi aabɔr, ke ni si Yesu aachaŋ ni, ki kpa kimɔbaan, ki kpaan tuk binib Yesu aabɔnyaan, ke bi gaa u ki kii.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 14:12

Nima pu na, di ŋigongon pu aatiŋ tii mi, Uwumbɔr aah nan puu tipuur tii mi n‑yoonn ngbaan pu na. Ti nan tuk si liyaadaal ngbaan ke ŋiwɔk aanib, bi bi nan yin bi ke Anak yaab na, nan bi ntisakpem mu aagon fɔk na ni. Uwumbɔr yaa bi m chee ki ter mi kan, m ga jenn nyan bi ke waah nan len pu na.”

Bibɔjirb 1:22

Efraim ni Manase aanibol nan buen ti tak Betel aatiŋ, n‑yoonn ngbaan bi nan laa yin ki ke Lus la. Uwumbɔr nan ter bi. Bi nan tun bipepekb kitiŋ ngbaan ni,