Nkahm 14:8 - Uwumbɔr aagbaŋ

⁸ Ti yaa piir Uwumbɔr aasui kan, u ga di timi koo kitiŋ ngbaan ni, ki tii timi kaawangol, ni kaakpaatan mu nyuun na.

Nkahm 14:8 ပူးပေါင်းရင်းမြစ်များ

2 Samuel 22:20

U nan nyan mi linimaln ni; usui aah nan piin m pu pu na, le u nan gaa mi lii.

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

2 Bibɔrb 18:32

ki ti saa buyoonn Asiria aatiŋ aabɔrkpaan ga ki gir kaan nimi litingbaln li bi ke nimi yaan na, nima chee ndaan aasui aasar bi, ni ga kan ndaan ki nyu, ni nin chee njikaabim bi ni ga kan tijikaar ji na; nima chee le olif aasui bi, olif aakpan ni tisiir bi nima. Ni yaa ŋa waah len pu na kan, naan kpo, ni ga li kpa limɔfal. Taa cha Hesekia ŋmann nimi aan ni li ka dak ke Uwumbɔr ga gaa nimi lii.

Ilahn 22:8

Bi len ke, “U gaa Uwumbɔr ki kii, ba ŋa waa gaa u lii? Uwumbɔr yaa gee u kan, ba ŋa waa ter u?”

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Nkahm 13:27

Bi nan bui Moses ke, “Ti mann kitiŋ ngbaan ni mɔmɔk, ki kan ke ki kpa liwangol pam, le kaakpaatan mu nyuun. Lik, taah joo ni nima chee aasubil ŋi na sɔ.

Nkahm 16:14

Mbamɔn, saa di timi dan kitiŋ ki kpa nkpaatanyaan na ponn ni, ki mu aa tii timi tikpaasar ni ŋisubil aasui, le aa pɔɔni aabaa ke aa ŋmann timi. Taan dan.”

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 10:15

Uwumbɔr aah gee niyaajatiib sakpen pu na, le u nyan nimi baanja ŋinibol mɔmɔk ni, le ni beenin ye waanib ki nan saa din.

Josua 14:12

Nima pu na, di ŋigongon pu aatiŋ tii mi, Uwumbɔr aah nan puu tipuur tii mi n‑yoonn ngbaan pu na. Ti nan tuk si liyaadaal ngbaan ke ŋiwɔk aanib, bi bi nan yin bi ke Anak yaab na, nan bi ntisakpem mu aagon fɔk na ni. Uwumbɔr yaa bi m chee ki ter mi kan, m ga jenn nyan bi ke waah nan len pu na.”