Nkahm 14:5 - Uwumbɔr aagbaŋ

⁵ Le Moses ni Aaronn lir gbaan Israel yaab aanib mɔmɔk aanimbiin ni.

Nkahm 14:5 ပူးပေါင်းရင်းမြစ်များ

Mpiin 17:3

Le Abram gbaan Uwumbɔr aanimbiin ni, le unimbil kpaa kitiŋ. Le Uwumbɔr bui u ke,

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

Esekiel 9:8

Baah bi ku binib kina na, m nan si nima mbaa baanja la. M nan tar lir kitiŋ lichichikr le ki teen ke, “Ndindaan Uwumbɔr, saaŋuul fii Jerusalem aatiŋ pu sakpen le aa ban aa ku unii umɔk gur Israel aatiŋ pu na aa?”

Daniel 10:9

Maah nan ŋun waaneel na, le m fik ki lir kitiŋ mpuul pu ki dɔ chik.

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Nkahm 14:6

Le Nunn aajapɔɔn Josua, ni Jefune aajapɔɔn Kaleb, bima bilee ngbaan mu nan dii bipepekb ngbaan buen, le bisui nan bii, le bi chuu baawanpeenkaan daa kar.

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 16:4

N‑yoonn mu Moses ŋun kina na, le u gbaan kitiŋ ki mee Uwumbɔr,

Nkahm 16:45

“Foor cha binib ngbaan ki sil nibaa man, aan m kpaan ku bi mɔmɔk libuul ni.” Le bi mɔmɔk bilee tar lir bipuu pu.

Nkahm 17:10

Uwumbɔr nan bui Moses ke, “Di Aaronn aadabil giin ti bil Maakaal Aadakaa taab. Li ga li dɔ nima, ki ye nsurm ki tii Israel yaab bi yii mi na, ke bi yaa kaa di cha baah len tibɔr ti kaa ŋan na kan, bi ga kpo.”

Nkahm 20:6

Le Moses ni Aaronn siir foor binib ngbaan chee, le ki ti sil Uwumbɔr Aabool aabisamɔb chee, le ki tar lir kitiŋ bipuu pu, le Uwumbɔr aawiihn mu moor ki deer ŋinimbil na sunn ni bi chee.

Matiu 26:39

Le u foor siib, ki doon lichichikr, le ki mee Uwumbɔr, “Nte, aa yaa kii kina kan, nyan mi falaa u choo na ni. Tɔ, ŋa saageehn, ki taa ŋa maageehn.”

Josua 5:14

Le uja ngbaan giin bui u ke, “Maa bi lipepel libaa wɔb, m ye Uwumbɔr aajab aaninkpel, le ki si do.” Le Josua gbaan kitiŋ le ki doon u, ki bui ke, “Ndindaan, m ye saatutunn la, aa ban ke m ŋa ba tii si?”

Josua 7:10

Le Uwumbɔr bui Josua ke, “Fii sil. Ba ŋa aa dɔ kitiŋ kina?

Tibɔkpiirkaan 4:10

Tiwanfuurkaan ngbaan aah len kina na, le bininkpiib moninko ni binaa ngbaan gbaan Uwumbɔr u ka libɔrjal pu ki ga li bi n‑yoonn mu kaa kpa ndoon na aanimbiin ni, ki doon u, ki di baasalmaa aayikpupur bil waabɔrjal taab, ki len ke,

Tibɔkpiirkaan 5:14

Le tiwanfuurkaan ninaa ngbaan kii ke “Amii.” Bininkpiib ngbaan mu nan gbaan Uwumbɔr ni Upihbo ngbaan aanimbiin ni ki doon bi.

Tibɔkpiirkaan 7:11

Le Uwumbɔr aatuuntiib mɔmɔk si gob Uwumbɔr aabɔrjal, ni bininkpiib, ni tiwanfuurkaan ninaa ngbaan. Le Uwumbɔr aatuuntiib doon ŋichichik ki di binimbil kpaa kitiŋ Uwumbɔr aabɔrjal taab ki dooni u,