Nkahm 14:43 - Uwumbɔr aagbaŋ

⁴³ Ni yaa buen, ni ti to Amalek yaab ni Kanaann yaab butɔb kan, bi ga ku nimi butɔb ni. Uwumbɔr aan li bi ni chee; ba pu? ni yii ke naan dii u.”

Nkahm 14:43 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Ilahn 44:10

Aa cha timi aadim jenn timi, le ki yoor timi aawangol.

Aisaya 63:10

le bi nan yii u ki nyan upuwɔb, le ni tii Waafuur Nyaan mpombiin. Kina pu le Uwumbɔr kpaln baadin, le ki jan bi kijaak.

Hosea 9:12

Tɔ, bi yaa ma mbim kan, m ga yoor bi mɔmɔk kaan gur ubaa. N‑yoonn mu m siir cha binib bee na kan, tibɔbir pam le ga kan bi.”

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Nkahm 13:29

Amalek yaab koo kitiŋ ki bi ŋŋangii wɔb na, le Hef yaab ni Jebus yaab, ni Amor yaab mu koo ŋigongon aatim ni, le Kanaann yaab koo gbɔk Kaasisik ni Aanyusakpem ki nɔn Jɔɔdann Aamɔɔl mu.”

Nkahm 14:25

le waamaal ga li joo kitiŋ ki aafataŋ ni Amalek yaab, ni Kanaann yaab koo dandana wee na. Fen kan, ni fe fenn nipuwɔb ki kpaa nteersakpiin ni, ki toŋ Limɔɔkal Aanyusakpem wɔb.”

Nkahm 14:42

Taa buen man. Uwumbɔr aa bi ni chee, kina pu na, nimi aadim ga jenn nimi.

Nkahm 14:44

Uwumbɔr Aakaal Aadakaa, ni Moses aa nan dii bi buen, bisui aageehn ni le bi nan fii buen ŋigongon aatim ngbaan ni.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Josua 22:15

Le bi ti fuu Gilead aatiŋ ni, Rubenn ni Gad aanibol, ni Manase aanibol ligeln bi bi liwipuul wɔb na chee.

Josua 7:12

Nimina pu le Israel yaab aa ŋmaa sil baadim chee. Bi san baadim chee, ba pu? bi kpaln tiwan ni ga bii na la. Maan ki li bi ni chee, see ni bii tiwan ni m nan bui nimi ke ni taa yoor na.

Bibɔjirb 16:20

Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.