Nkahm 14:14 - Uwumbɔr aagbaŋ

¹⁴ bi ga tuk binib bi bi kitiŋ ngbaan pu na. Binib ngbaan ŋun saah bi ti chee pu na, ki kpiir saanaŋ mɔk timi ntaalangbam mu bii ti pu na ni, le nwiin pu kan, aa bi ntaalangbam ni le ki loln ti pu nsan, le kinyeek kan, ntaalangbam ngbaan ye mmii ki wiin ti pu.

Nkahm 14:14 ပူးပေါင်းရင်းမြစ်များ

Mpiin 32:30

Jakob nan bui ke, “M kan Uwumbɔr aanimbil wɔb le ki laa beenin fu.” Nima pu le u nan yin nima chee ke Peniel.

Nehemia 9:12

Aa nan cha ntaalangbam loln saanib pu nsan nwiin pu, ki cha mmii wiihn ki loln bi pu nsan kinyeek.

Nehemia 9:19

Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Ilahn 105:39

Uwumbɔr nan di ntaalangbam le biin waanib pu, ki tii bi mmii kinyeek ke mu tii bi nwiihn.

Ilahn 78:14

Nwiin pu kan, u nan loln bi pu nsan, ntaalangbam ponn ni la, le ki ye mmii ki wiin ki loln bi pu nsan kinyeek, ni kitaak aah ga ti woln pu na.

Nnyam 15:14

Ŋinibol mɔmɔk ŋun aa pu, le ijawaan chuu bi, le biwon gbaa, ijawaan nan chuu Filistia yaab.

Nnyam 33:11

Le Uwumbɔr len Moses chee tibɔr, le ni bi ke unii ni ujɔ le aah bi len tɔb chee na. Le Moses ki gir buen linampal. Le unachipɔɔn u nan ter u, bi yin u ke Josua aan u ye Nunn aajapɔɔn na ma ti bee Libool ngbaan ni.

Nnyam 33:16

Aa yaa kaa dii timi buen kan, ni ga ŋa kinye aan unii bee ke aasui piin m ni saanib pu? Saah bi ti chee pu na le ga cha ti ni biken aabimbin taa li kpaa dulnyaa wee ni.”

Nnyam 40:38

N‑yoonn mu bi nan bi chuun kina na, bi nan kani Uwumbɔr aataalangbam ngbaan biini Libool na pu, nwiin pu, le kinyeek kan, ni ye mmii ki wiin li pu.

Nkahm 10:34

Baah nan chuun cha ki ti kaa nimɔk na, Uwumbɔr aataalangbam le nan bii bi pu, nwiin pu.

Nkahm 12:8

Nima pu na, m sii u chee le ki len, naa ye ŋiyataŋak ponn ni, le u kan maah bi pu na. Ni ŋa kinye aan ni galni maatutunn Moses kina?”

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Jɔnn 14:9

Le Yesu baa u, “Filip, m bi ni chee ni yunn kina, le saa bee mi ii? Unii umɔk kan mi na, u kan Nte Uwumbɔr mu le na. Ba pu aa bui mi ke m mɔk nimi Nte?

1 Korenti 13:12

Dandana, ni bi ke ti lik kinimbilikr, ki lik puu na la; n‑yoonn mu choo na, tiwan nibaa aan nan ki li bi tinimbiin ni ki doŋ timi tiwan nibaa chee. Ti ga li waa tiwan mɔmɔk chain. Dandana m nyi ngem. N‑yoonn mu choo na, m ga nan li nyi ni mɔmɔk, ke Uwumbɔr aah nyi maabɔr mɔmɔk pu na.

Ikaal 1:19

“Tidindaan Uwumbɔr aah nan bui ke ti ŋa pu na, ti nan ŋa kina. Ti nan fii Sainai Aajool chee, ki di bɔ dii ijawaan aateersakpiin ngbaan ni, le ki di buen Amor yaab aatiŋ ki ye ŋigongon na ni. N‑yoonn mu ti nan ti fuu Kades Banea aatiŋ ni na,

Ikaal 34:10

Israel yaab aatiŋ ni, Uwumbɔr aabɔnabr ubaa aa kee nyan ki bi ke Moses aah nan bi pu na, le Uwumbɔr nan len Moses chee tibɔr.

Ikaal 5:24

ki nan bui ke, ‘Tidindaan Uwumbɔr mɔk timi waapɔɔn sakpiin, ni waanyuŋ, buyoonn ti ŋun u len mmii ni na. Din wee, ti kan ke Uwumbɔr yaa len unii chee tibɔr kan, udaan ngbaan ga ŋmaa li beenin fu.

Ikaal 5:4

Lijool ngbaan pu, Uwumbɔr nan len ni chee tibɔr, mmii ponn ni.

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.

1 Jɔnn 3:2

Maanigeekaab, dandana wee ti ye Uwumbɔr aabim la. Taa kee nyi taah ga nan li bi pu na. Ti po nyi ke Yesu yaa nan gir ni kan, ti ga kan waah bi pu na. Nima pu le ti mu ga li naahn u.