Nkahm 14:10 - Uwumbɔr aagbaŋ

¹⁰ Le Israel yaab mɔmɔk nan bui ke bi ga mae ŋitakpal ki ku bi. Libuul ngbaan ni, le bi kan Uwumbɔr aawiihn mu moor lak lak, ki deer ŋinimbil na, Waabool aapaacham.

Nkahm 14:10 ပူးပေါင်းရင်းမြစ်များ

Nnyam 16:10

Aaronn aah bui bi kina na, le bi mɔmɔk fenn binimbil toŋ nteersakpiin wɔb, le libuul ngbaan ni Uwumbɔr aajinjiir aawiihn na nyan bi chee ntaalangbam ni.

Nnyam 16:7

Kichakpiik ni, ni ga kan Uwumbɔr aajinjiir aawiihn. U ŋun naah len tibɔbir u pu pu na. Mbamɔn, ni len uma la, naa ye timi; tima joo waamɔbon le tuk nimi.”

Nnyam 17:4

Le Moses mee Uwumbɔr mbamɔm le ki bui u ke, “M ga ŋa binib bee kinye? Bi gor ke bi mae mi ŋitakpal la.”

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Liifai Yaab 9:23

Moses ni Aaronn nan buen Uwumbɔr Aabool ni; baah nyan ni na, le bi mee Uwumbɔr aanyoor ŋa bi pu, le Uwumbɔr aawiihn mu moor ki deer ŋinimbil na sunn ni bi mɔmɔk pu.

Nkahm 16:19

Le Kora kuun ni Israel yaab mɔmɔk, ki nan sil toŋ Moses ni Aaronn, Libool ngbaan aabisamɔb chee. Libuul ngbaan ni, le Uwumbɔr aawiihn mu moor lak lak na woln binib ngbaan mɔmɔk pu.

Nkahm 16:42

Buyoonn aan bi mɔmɔk kuun ni ke bi nan yaar yii Moses ni Aaronn pu na, bi fenn lik Uwumbɔr Aabool, le ki kan ntaalangbam bi biini li pu, le Uwumbɔr aawiihn mu moor lak lak ki deer ŋinimbil na nyan mpaan pu.

Nkahm 17:7

Moses nan di ŋidabil ngbaan mɔmɔk ti bil Libool ni, Uwumbɔr Aakaal Aadakaa taab.

Nkahm 20:6

Le Moses ni Aaronn siir foor binib ngbaan chee, le ki ti sil Uwumbɔr Aabool aabisamɔb chee, le ki tar lir kitiŋ bipuu pu, le Uwumbɔr aawiihn mu moor ki deer ŋinimbil na sunn ni bi chee.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.

Lituln 7:59

Le bi mae Stiifen ŋitakpal u ti kpo. Baah bi mae u ŋitakpal na, le u mee Tidindaan ke, “Tidindaan Yesu, gaa maawiin,”

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.